У Нацыянальнай паліцыі Ўкраіны паведамілі, што сьледзтва будзе адбывацца паводле чатырох артыкулаў Крымінальнага кодэксу, найцяжэйшы зь якіх — захоп закладнікаў.
«Гэта вельмі сур’ёзная справа. Ніхто ня мае права парушаць закон», — заявіў кіраўнік Нацыянальнай паліцыі Ўкраіны Ігар Кліменка. Ён пацьвердзіў, што ў мужчыны ў руках сапраўды была баявая граната, якой ён пагражаў двум супрацоўнікам Упраўленьня дзяржаўнай ахову і аднаму прадстаўніку Кабінэту Міністраў.
Пакуль усё яшчэ застаюцца невядомымі матывы дзеяньняў затрыманага мужчыны.
Паводле некаторых украінскіх рэсурсаў, мужчына служыў снайпэрам у адным з добраахотніцкіх батальёнаў, мае інваліднасьць, працаваў прыватным прадпрымальнікам пад Кіевам. Ідзе сьледзтва.
