Паводле сьведчаньняў тых, хто ўтрымліваўся ў такіх установах, вядома, што прынятыя ад сваякоў перадачы да камэр не даходзяць. Толькі па вызваленьні людзям прапануюць падпісаць дакумэнт аб тым, што яны нібыта атрымалі перадачы своечасова.
Ад 5 ліпеня нібыта «ў сувязі з эпідэміялягічнымі мерапрыемствамі» часова адменены прыём перадач для затрыманых у ізалятары часовага ўтрыманьня Ленінскага РАУС Берасьця.
Беларускі Хэльсынскі камітэт заклікаў пракуратуру скасаваць гэтыя абмежаваньні.
- У ніводным нарматыўна-прававым акце няма такой падставы для абмежаваньня / забароны на прыём перадач, як «дзеля зьмяншэньня рызык, зьвязаных з распаўсюдам COVID-19». Такім чынам, рашэньне падлягае адмене, паколькі ня мае законных падставаў.
- Абмежаванне / забарона прыёму перадач ня ёсьць мерай, адэкватнай заяўленай мэце, затое непрапарцыйна пагаршае становішча людзей. Меру ў дадзеным выпадку трэба разглядаць як накіраваную выключна на прычыненьне маральных і фізычных пакутаў.
- Мера ня ўлічвае правы тых, хто з пэўных меркаваньняў адмаўляецца ад ужываньня асобных прадуктаў харчаваньня або іх кампанэнтаў, а таксама тых, каму ўжываньне пэўных прадуктаў супрацьпаказана паводле мэдычных паказаньняў.
- Кантроль выкананьня санітарна-супрацьэпідэмічных мерапрыемстваў у ізалятарах ажыцьцяўляе Цэнтар гігіены і эпідэміялёгіі МУС. Разам з тым забароны на прыём перадач у мэтах выкананьня санітарна-супрацьэпідэмічных мерапрыемстваў ведамства ня ўводзіла.
На пачатку лютага Беларускі Хэльсынскі камітэт ужо ўздымаў аналягічнае пытаньне датычна ізалятара часовага ўтрыманьня ў Жодзіне, і неўзабаве прыём перадач там аднавіўся.