Ходжкінз прызнаў сваю віну ў тым, што перашкаджаў афіцыйнаму працэсу — пасяджэньню Кангрэсу для зацьвярджэньня дэмакрата Джо Байдэна прэзыдэнтам ЗША.
Па дадзеных сьледзтва, Ходжкінз падчас беспарадкаў зайшоў у Капітолій, зрабіў сэлфі ў зале пасяджэньняў Сэнату і адправіў здымкі сваім сябрам.
Першы прысуд у справе аб штурме Капітолія быў вынесены ў чэрвені. Суд прысудзіў жыхарцы Індыяны ўмоўны тэрмін.
Прыхільнікі Трампа ўварваліся 6 студзеня ў будынак Кангрэса пасьля таго, як былы прэзыдэнт выступіў перад імі на мітынгу недалёка ад Белага дома, у чарговы раз заявіўшы, што вынікі выбараў 2020 году былі сфальсыфікаваныя. Суды не пацьвердзілі гэтых сьцьвярджэньняў. Натоўп біў шкло і ўступіў у сутыкненьні з паліцыянтамі. Заканадаўцы, якія ў той момант знаходзіліся на сумесным пасяджэньні абедзьвюх палат і зьбіраліся зацьвердзіць перамогу Джо Байдэна на прэзыдэнцкіх выбарах, былі тэрмінова эвакуяваныя. У выніку сутыкненьняў загінулі пяць чалавек, у тым ліку супрацоўнік паліцыі Кангрэсу.
Кангрэс ЗША заявіў, што створыць незалежную камісію па расьсьледаваньні штурму Капітолія. Рэспубліканцы ў Сэнаце заблякавалі гэтую прапанову.
Па справе аб штурме праходзяць каля 500 чалавек.
