Кіраўніцтва Зьвязу эўрапейскіх футбольных асацыяцый (УЭФА) адмяніла правіла выязнога голу ў эўрапейскіх клюбных кубках. Пра гэта паведамляецца на сайце арганізацыі.
Раней пры роўнай колькасьці забітых і прапушчаных галоў па выніках двух матчаў, далей у спаборніцтвах праходзіла каманда, якая забіла больш галоў на чужым полі. Цяпер у такім выпадку будзе прызначацца дадатковы час, а калі ён ня выявіць пераможцу, дык сэрыя пэнальці.
Зьмены ў правілах уступаюць у сілу з кваліфікацыі клюбных турніраў УЭФА сэзону-2021/2022.
