Хто быў у небе над Беларусьсю а 10-й гадзіне
- «Аэрафлот» з Калінінграду ў Маскву
- SmartAvia з Масквы ў Калінінград
- «Белавія» з Анталіі ў Магілёў
- «Белавія» з Анаталіі ў Менск
- Uzbekistan Airways з Ташкенту ў невядомым кірунку
- Нявызначаны самалёт маркі Gulfstream GVII-G500
- Нявызначаны самалёт маркі Hawker 750
- Грузавы борт з Сэулу ў Вену
Як абмінаюць Беларусь
«Белавія» адмяніла палёты ў Лёндан і Парыж з 25 траўня па 30 кастрычніка 2021 году
Гэта адбылося «у сувязі з рашэньнем урадаў Вялікай Брытаніі і Францыі аб забароне рэйсаў «Белавія» ў дадзеныя краіны, растлумачылі ў кампаніі.
«Мы засмучаны сытуацыяй, якая склалася, якую ня ў сілах зьмяніць», — адказалі ў «Белавія».
Пасажыры могуць вярнуць поўны кошт білетаў бяз штрафаў або зьмяніць дату вылету на працягу тэрміну дзеяньня авіябілету.
У Літве ад сёньня ўступіла ў сілу забарона на прыём і вылет самалётаў, якія перасякаюць Беларусь
Па словах міністра камунікацый і транспарту Маруса Скуодзіса, на працягу сутак забарона закране каля 180 рэйсаў па 26 напрамках, у асноўным гэта адносіцца да маршрутаў паўднёвага напрамку, цытуе чыноўніка ТАСС.
Хто цяпер аблятае Беларусь?
Пра спыненьне палётаў па-над Беларусьсю і змушанае павелічэньне часу пералётаў заявіў шэраг міжнародных кампаній, у прыватнасьці, такія вядомыя як фінскі Finnair, францускі Air France, польскі LOT, швэдзкая SAS, кіпрская Avia Solutions, літоўская KlasJet, аўстрыйскі Austrian Airlines, вугорскі Wizz Air, латыская airBaltic, нідэрляндзкая KLM і нямецкая Lufthansa.
Ёсьць у сьпісе і азіяцкая кампанія Singapore Airlines.
Украіна з 00:00 26 траўня спыняе авіязлучэньне зь Беларусьсю
Як паведаміў у сваім тэлеграм-канале прэм’ер-міністар Украіны Дзяніс Шмыгаль, урад ухваліў адпаведнае рашэньне і даручыў Міністэрству інфраструктуры, Дзяржаўнай авіяцыйнай службе і дзяржаўнаму прадпрыемству «Украерорух» забясьпечыць ягонае выкананьне.
Дзяніс Шмыгаль удакладніў, што ўкраінскім авіякампаніям і самалётам забараняецца выконваць палёты ў паветранай прасторы Беларусі. Дзяржаўная памежная служба Ўкраіны атрымала загад у мытных пунктах аэрапортаў спыніць афармленьне пасажыраў, якія прыбываюць зь Беларусі або накіроўваюцца ў Беларусь.
«Белавія» забаранілі лятаць у Францыю. Air France будзе абмінаць Беларусь
Францыя прыпыніла дазвол на палёты «Белавія» і рэкамэндавала францускім авіякампаніям абмінаць Беларусь, паведаміў міністар транспарту Жан-Батыст Джэбары на сваёй старонцы ў твітэры.
«У мэтах бясьпекі пасажыраў я папрасіў авіякампаніі, якія працуюць у Францыі, больш не лятаць над паветранай прасторай Беларусі. Дазвол на палёты „Белавія“ таксама прыпынены», — напісаў францускі міністар.
24 траўня гэткія ж рашэньні прыняла Вялікая Брытанія.
Фінская авіякампанія Finnair будзе аблятаць Беларусь
Пра гэта яна заявіла 25 траўня, перадае Reuters. Прадстаўніца Finnair паведаміла, што гэтае рашэньне ім рэкамэндавала прыняць Фінскае агенцтва транспарту і сувязі.
Хто быў у небе над Беларусьсю аб 11-й гадзіне
- «Победа» з Калінінграду ў Маскву
- «Победа» з Масквы ў Калінінград
- Nordwind Airlines (Расея) з Масквы ў Парыж
- «Аэрофлот» з Масквы ў Калінінград
- Nordwind Airlines з Самары ў Калінінград
- 2 самалёты Fedex з Гуанчжоў у Кёльн
- Ethiopian Cargo з Чжэнчжоу у Льеж
- Невядомы рэйс
- Невядомы з Кішынёва
- Невядомы з Масквы
Японскі авіяперавозчык ANA спыняе выкарыстоўваць паветраны калідор Беларусі
All Nippon Airways (ANA), адзін з найбуйнейшых японскіх авіяперавозчыкаў, часова ня будзе выкарыстоўваць маршрут над тэрыторыяй Беларусі праз інцыдэнт з экстраннай пасадкай у Менску самалёту Ryanair.
У офісе кампаніі адзначылі агенцтву ТАСС https://tass.ru/ekonomika/11464113, што будуць сачыць за разьвіцьцём сытуацыі і на яе аснове прымуць рашэньне аб тым, як доўга працягнецца мараторый.
Над тэрыторыяй Беларусі праходзіць адзін з маршрутаў рэйсу з Токіё ў нямецкі Франкфурт-на-Майне і назад.
Эстонія рэкамэндуе сваім авіякампаніям аблятаць тэрыторыю Беларусі
Транспартны дэпартамэнт Эстоніі накіраваў авіякампаніям краіны рэкамэндацыю пазьбягаць паветраную прастору Беларусі і ўнесьці адпаведныя зьмены ў расклад палётаў, паведамляе прэс-служба Міністэрства эканомікі і камунікацый.
Рэкамендацыя набывае моц 25 траўня, яна заснаваная на прынятым напярэдадні рашэньні Рады Эўропы з заклікам да ўсіх авіякампаній Эўразьвязу пазьбягаць палётаў над Беларусьсю.
Рашэньне аб забароне палётаў паміж Талінам і Менскам і пра закрыцьцё паветранай прасторы Эстоніі для беларускіх авіяперавозчыкаў будзе прынятае сумесна зь іншымі краінамі-чальцамі Эўразьвязу ў адпаведнасьці з рашэньнем Рады Эўропы. «Белавія» зможа лятаць да таго часу, пакуль ня будзе дасягнутае рашэньне адносна санкцый у дачыненьні да Беларусі, удакладніў міністар.
Самалёт расейскай кампаніі «Ютэйр» таксама абляцеў Беларусь
Расейская авіякампанія «Ютэйр» патлумачыла аблёт тэрыторыі Беларусі самалётам Масква-Калінінград «меркаваньнямі паліўнай эфэктыўнасьці».
Як заявіла «Інтэрфаксу» прадстаўніца авіякампаніі Натальля Мелехава, плянаваньне маршрут абапіраецца на «паліўную эфэктыўнасьць палёту», таму ў Калінінград 24 траўня самалёт ляцеў, не перасякаючы паветраную прастору Беларусі, а вярталіся ўжо празь яе.
Паводле рэсурсу Flightradar24, самалёт «Ютэйр», які напярэдадні выконваў рэйс Масква-Калінінград, абышоў паветраную прастору Беларусі бокам.
Раней кіраўніцтва прадпрыемства «Росавиация» заявіла, што расейскія авіякампаніі працягваюць выконваць палёты ў Беларусь у звычайным рэжыме.
Хто быў у небе над Беларусьсю а 12-й гадзіне
- Nordwind Airlines (Расея) зь Цюмені ў Калінінград,
- I-Fly (Расея) з Масквы ў Ліеж,
- S7 Airlines (Расея) з Калінінграду ў Маскву
- Rubystar Airways (Беларусь) з Караганды ў Лінц
- China Eastern зь Цьзінаня ў Мілян
- «Белавія» з Магілёва ў Анталію
- «Белавія» з Хургады ў Менск
- «Белавія» з Шарм-эш-Шэйху ў Менск
- «Белавія» з Анталіі ў Менск
- Qatar Cargo з Масквы ў Сарагосу
- Ethiopian Cargo зь Ліежу ў Шанхай
- Corendon Airlines (Турэччына) з Таліна ў Анталію
- Тры невядомыя рэйсы
«Белаэранавігацыя» ацэньвае страты авіятрафіку на ўзроўні 5%
Пра гэта «Інтэрфаксу» паведаміў намесьнік генэральнага дырэктара дзяржаўнага прадпрыемства «Белаэранавігацыя» Валяр'ян Гродзь. Паводле яго за мінулыя суткі на фоне рэакцыі заходніх краін на інцыдэнт з самалётам ірляндзкай авіякампаніі Ryanair, сытуацыя з авіятрафікам заставалася штатнай.
«За мінулыя суткі паветраную прастору Беларусі перасеклі 402 самалёты, для панядзелка гэта стандартная сытуацыя. Гэта нават больш, чым у папярэдні панядзелак», – адзначыў ён.
Авіякампаніям, якія выкарыстоўваюць паветраную прастору Беларусі, не абавязкова апавяшчаць беларускі бок пра адмову ад палётаў над тэрыторыяй краіны.
Структура «Белаэранавігацыі» ўключае 66 маршрутаў абслугоўваньня паветранага руху працягласьцю звыш 23 тысяч кілямэтраў.
Хто быў у небе над Беларусьсю а 13-й гадзіне
- S7 Airlines з Масквы ў Калінінград
- AirBridgeCargo з Краснаярску ў Ляйпцыг
- «Белавія» зь Менску ў Бэрлін
- «Победа» з Калінінграду ў Маскву
- «Аэрофлот» з Масквы ў Бялград
- S7 Airlines з Масквы ў Кішынёў
- Невядомы рэйс
Хто аблятаў Беларусь
- Турэцкая авіякампанія ULS Airlines Cargo з Кіева ў Вільню
Хто быў у небе над Беларусьсю а 14-й гадзіне
- Aerotranscargo (Малдова) з Брусэлю ў Нур-Султан
- Aerotranscargo зь Лежу ў непазначаным кірунку
- «Аэрофлот» з Калінінграду ў Маскву
- Nordwind Airlines з Калінінграду ў Маскву
- «Азимут» з Краснадару ў Калінінград
- S7 Airlines з Масквы ў Бэрлін
- «Белавія» зь Менску ў Энфіду (Туніс)
- «Белавія» зь Менску ў Лярнаку (Кіпр)
- «Белавія» зь Менску ў Варшаву
- FedEx з Ганконгу ў Ліеж
- Nordwind Airlines з Масквы ў Бялград
- 2 Невядомыя рэйсы зь Беларусі
- 1 прыватны рэйс з Алматы
- 1 невядомы рэйс з Рыгі
Хто аблятае Беларусь
Хто быў у небе над Беларусьсю а 15-й гадзіне
- Pegasus Airlines (Турэччына) з Стакгольму ў Стамбул
- S7 Airlines з Калінінграду ў Маскву
- «Белавія» зь Менску ў Хургаду
- «Белавія» зь Менску ў Стамбул
- Hainan Airlines (Кітай) з Парыжу ў Хайкоў
- Air China зь Міляну ў Пэкін
- Air China зь Міляну ў Шанхай
- Амэрыканская грузавая кампанія Atlas Air з Алматы ў Амстэрдам
- UPS Airlines зь Лёндану ў Ганконг
- Прыватны рэйс Air Hamburg з Масквы ў непазначаным кірунку
- Прыватны рэйс BySky зь Менску ў непазначаным кірунку
- Прыватны рэйс з Масквы
- AirBridgeCargo з Масквы ў Франкфурт
- Wamos Air з Кіеву ў Нью-Ёрк
- «Победа» з Калінінграду ў Маскву
- Air China Cargo з Шанхаю ў Франкфурт
- Korean Air Cargo з Масквы ў Франкфурт
- «Белавія» зь Менску ў Талін
Хто аблятае Беларусь
Хто быў у небе над Беларусьсю а 16-й гадзіне
- Asiana Airlines з Масквы ў Вену
- Avcon Jet з Кальяры (накирунак не пазначаны)
- Аэрафлот з Гамбургу ў Маскву
- UPS з Сэулу ў Кёльн
- Redstar Aviation З Мурманску (накірунак не пазначаны)
- Cathay Pacific З Франкфурту ў Ганконг
- «Белавія» зь Менску ў Талін
- «Белавія» з Бэрліну ў Менск
- «Белавія» з Варшавы ў Менск
- «Победа» з Масквы ў Калінінград
- Azimuth з Калінінграду ў Мінэральныя Воды
- Невядомы рэйс з Таліну
- China Eastern Airlines Зь Сіяня ў Прагу
- Charter Jets З Жэнэвы ў Маскву
- NordWind Airlines з Масквы ў Калінінград
- Turkish Airlines з Стамбулу ў Талін
Сытуацыя ў паветранай прасторы над Беларусьсю а 16-ай гадзіне (у 16:16)
Нацыянальная авіякампанія «Белавія» мінулы год скончыла зь мільённымі стратамі, мае самалёты ў лізінгу. Што сабой уяўляе дзяржаўнае прадпрыемства і як на яго паўплывае міжнародны канфлікт з пасадкай самалёта Ryanair у Менску?
Прынятае 24 траўня рашэньне яшчэ патрабуе ўзгадненьня з выканаўчымі ўладамі Эўразьвязу, аднак заходнія авіякампаніі ўжо спыняюць палёты ў Менск.
