Пра гэта паведаміла міністэрства юстыцыі ЗША. Выканаўца абавязкаў міністра юстыцыі Монці Ўіліксан заявіў, што ведамства імкнецца, каб «Злучаныя Штаты не былі прытулкам для тых, хто ўдзельнічаў у нацысцкіх злачынствах супраць чалавечнасьці і іншых парушэньнях правоў чалавека».
Рашэньне аб дэпартацыі Бэргера было прынятае ў лютым 2020 году судом Мэмфісу (штат Тэнэсі), пасьля таго як было выяўлена, што ён добраахвотна служыў ахоўнікам у сыстэме лягераў Ноенгаму ў гады Трэцяга Райху. У лістападзе2020 гэты вэрдыкт пацьвердзіў апэляцыйны суд па іміграцыйных справах.
У судовым рашэньні адзначалася, што Бэргер ніколі не прасіў перавесьці яго са службы ахоўніка канцлягера на іншую працу, і атрымлівае пэнсію зь Нямеччыны, якая ўлічвае ягоную службу ў часы вайны.
Маючы грамадзянства Нямеччыны, Бэргер пражываў у ЗША з 1959 году. Ён прыляцеў у Франкфуркт, дзе яго дапытаюць сьледчыя. Міністэрства юстыцыі адзначае, што ён стаў 70-м дэпартаваным у рамках праграмы выяўленьня, расьледаваньня і выдаленьня асобаў, датычных да нацысцкіх перасьледаў.
