У Інтэрнэце прайшла онлайн-канфэрэнцыя «Салідарнасьць зь Беларусьсю» з удзелам міжнародных палітыкаў і дыпляматаў, прымеркаваная да Дня міжнароднай салідарнасьці зь Беларусьсю 7 лютага.
Сьвятлана Ціханоўская і амбасадарка ЗША Джулі Фішэр усклалі вянкі да месца пахаваньня Кастуся Каліноўскага на могілках Росы ў Вільні.
Канцлерка Нямеччыны Ангела Мэркель у відэазвароце 6 лютага выказала салідарнасьць з пратэстоўцамі ў Беларусі, якія ўжо паўгода выходзяць на акцыі з патрабаваньнем дэмакратыі і свабоды, і заклікала палітычнае кіраўніцтва ў Менску неадкладна спыніць рэпрэсіі і вызваліць палітвязьняў.
