Міністэрства фінансаў ЗША 23 сьнежня ўвяло санкцыі супраць ЦВК, АМАПу, Галоўнага ўпраўленьня ўнутраных спраў Менскага гарвыканкаму, спэцназу КДБ і Генадзя Казакевіча — намесьніка міністра ўнутраных спраў Беларусі. Адначасова Дзяржаўны дэпартамэнт ЗША ўвёў візавыя санкцыі супраць 39 чалавек у Беларусі.
У цэнтры Менску прайшоў пазачарговы «Марш мудрасьці» — акцыя пэнсіянэраў, што звычайна адбываецца ў панядзелкі.
На 23 сьнежня Міністэрства аховы здароўя Беларусі зарэгістравала 179 196 выпадкаў COVID-19. Сутачны прырост — 1922 чалавекі. Памерлі 1349 (+8) пацыентаў.
Заснавальнік Telegram Павел Дураў заявіў, што неўзабаве праект чакае манэтызацыя і платнымі стануць некаторыя бізнэс-суполкі, а таксама частка стыкераў.
