Дыялёг з вадамётам: што засьведчылі «Маршы гонару»

Юры Дракахруст

11 кастрычнік 2020, 20:24

Вадамёт атакуе пратэстоўцаў падчас маршу 11 кастрычніка

Што засьведчылі «Маршы гонару», якія прайшлі на 64-ы дзень пратэстаў? Ці паўплывала на іх сустрэча Лукашэнкі зь вязьнямі СІЗА КДБ? Як грамадзтва ў цэлым успрыняло гэты дыялёг?

Гэтыя пытаньні ў «Праскім акцэнце» абмяркоўваюць палітык, відэаблогер Вольга Карач і палітычныя аглядальнікі: зь БелаПАНу Аляксандар Класкоўскі, з «Нашай нівы» — Зьміцер Панкавец.

Карач:

Мяняецца тактыка пратэстоўцаў, яны дзейнічаюць некалькімі групамі, некалькімі патокамі.
Вельмі жорстка сёньня разганялі пратэсты ня толькі ў Менску, але і ў іншых гарадох.
Я напісала ліст Жузэпу Бурэлю з просьбай апублікаваць яго гутарку з Макеем.
Візыт Лукашэнкі ў СІЗА — сыгнал Захаду, што ўлада ідзе на дыялёг. А сёньня «ябацькам» быў пасланы сыгнал, што нічога не мяняецца і ўчорашняя размова нічога ня значыць.

Як у Менску праходзіў «Марш гонару». НАЦІСЬНІЦЕ НА ФОТА, КАБ ПАГЛЯДЗЕЦЬ ГАЛЕРЭЮ

ГЛЯДЗІЦЕ ТАКСАМА:

«Марш гонару» ў Менску прайшоў у жорсткім супрацьстаяньні зь сілавікамі, больш за 300 затрыманых

Класкоўскі:

Цяжка ацаніць колькасьць удзельнікаў сёньняшняга пратэсту, бо было некалькі пунктаў.
Прапаганда шмат часу цьвердзіць, што пратэст зьдзьмуваецца. Пакуль на гэта не падобна.
Сёньня сілавікі дзейнічалі паказальна жорстка.
Пасьля «дыялёгу ў СІЗА» ў некаторых у сацсетках была эўфарыя, што рэжым ужо прайграў і здаецца.
Жорсткасьць сёньня была ўжытая для таго, каб пасьля ўчорашняга візыту Лукашэнкі ў турму КДБ каму-кольвек не здалося, што пачалася нейкая адліга.
Вулічная актыўнасьць можа і зьнізіцца, але палітызаванасьць грамадзтва, хутчэй за ўсё, захаваецца яшчэ доўга.

Затрыманьні журналістаў у Горадні, 11 кастрычніка

ГЛЯДЗІЦЕ ТАКСАМА:

Каля 600 чалавек затрымалі ўва ўсёй Беларусі падчас нядзельнага «Маршу гонару»

Панкавец:

Сёньня пачалі расьсякаць калёну. Была тактыка дзейнасьці, як 9 жніўня. Агрэсіўнасьць і жорсткасьць сілаў правапарадку была прыкладна такая ж, як у дзень інаўгурацыі.
І тады, і цяпер была прадэманстраваная пэўная слабасьць улады.
Учорашні «дыялёг у СІЗА» ніяк не зьмяніў настрояў людзей, настрой у сацыяльных сетках, у дамавых чатах, у тэлеграм-каналах — ніякіх кампрамісаў, толькі сыход Лукашэнкі.
Калі Бабарыка выйдзе з турмы і закліча пакончаць з пратэстамі, людзі на гэта не пагодзяцца.

Як у Менску праходзіў «Марш гонару». ШМАТ ФОТА

Марш пачаўся з сутыкненьнеяў пратэстоўцаў і сілавікоў ля гатэля «Планета» ў раёне стэлы — 1/34 Марш пачаўся з сутыкненьнеяў пратэстоўцаў і сілавікоў ля гатэля «Планета» ў раёне стэлы

3/34 Разам з АМАПам людзей жорстказьбівалі і затрымлівалі людзі ў цывільным, падобныя да супрацоўнікаў ГУБАЗіК МУС пад кіраўніцтвам палкоўніка Мікалая Карпянкова

4/34 Пасьля зьбіцьця дэманстрантам з акрываўленымі тварамі і разьбітымі галовамі дапамагалі мэдыкі, якія накладалі бінтавыя павязкі

5/34 Фактычна ўпершыню за два апошнія месяцы людзі ў форме без апазнавальных знакаў і цывільныя з дубінкамі так масава жорстка зьбівалі людзей

6/34 Затрыманым, у тым ліку пацярпелым, сілавікі скоўвалі рукі за сьпінай будаўнічымі плястыкавымі сьцьжкамі

11/34 Прадстаўнікі сілавых структураў напачатку адмаўлялі выкарыстаньне сьвятлашумавых гранатаў і сьлезацечнага газу, але неўзабаве былі вымушаныя прызнаць ужываньне спэцсродкаў супраць «найбольш агрэсійнай часткі» пратэстоўцаў

13/34 Меркавыныя супрацоўнікі ГУБАзіК падчас разгону мірнага пратэсту ў раёне стэлы

14/34 Падчас сёньняшняга маршу пратэстоўцам у Менску супрацьстаялі большыя сілавыя рэсурсы, чымся ў папярэднія тыдні

17/34 Кіраўнік менскага АМАПу Дзьмітры Балаба (на фота ў бэйсболцы) курыраваў брутальны разгон дэманстрантаў у раёне стэлы

18/34 На праспэкце Пераможцаў, Нямізе, Раманаўскай слабадзе і Кальварыйскай актыўна задзейнічалі вадамёты — палівалі людзей аранжавай жыжай, разьбіваючы калёны дэманстрантаў

19/34 Пасьля разгону стэлы, да яе прыйшоў натоўп з вуліцы Кальварыйскай. Супраць людзей ужывалі вадамёты

20/34 Паводле Google Maps, пасьля 16-й гадзіны быў перакрыты практычна ўвесь цэнтар Менску, шэраг галоўных вуліц і часткова — МКАД

21/34 Калёна ідзе па вуліцы Кальварыйскай у накірунку праспэкту Пушкіна

22/34 Так выглядаюць менскія пратэстоўцы, супраць якіх ужываюць дручкі і палкі, вадамёты і сьвятлашумавыя гранаты, пярцовы газ і, паводле некаторых зьвестак, гумовыя кулі

27/34 Сілавікі хапалі людзей у хвосце калёны, а асноўную частку разагналі на Пушкінскай з вадамётамі і стралянінай

31/34 Расьцярушыўшы асноўныя калёны, сілавікі жорстка перасьледавалі ды затрымлівалі менчукоў па дварах

Ды прыпынку каля гіпэрмаркета «Карона» на Кальварыйскай прыехала чарга з мініаўтобусаў сілавікоў, якія пачалі затрымліваць людзей, даглядаць машыны. Хлопца на фота затрымалі, калі ён чакаў аўтобуса — 32/34 Ды прыпынку каля гіпэрмаркета «Карона» на Кальварыйскай прыехала чарга з мініаўтобусаў сілавікоў, якія пачалі затрымліваць людзей, даглядаць машыны. Хлопца на фота затрымалі, калі ён чакаў аўтобуса

Юры Дракахруст

Палітычны аглядальнік Радыё Свабода.

Кандыдат фізыка-матэматычных навук. Аўтар кніг «Акцэнты Свабоды» (2009), «Сем худых гадоў» (2014), «Неверагодны 2020-ы» (2021).
На Свабодзе — ад 1991 году.

Лінкі ўнівэрсальнага доступу

Сачыце за абнаўленьнямі

Дыялёг з вадамётам: што засьведчылі «Маршы гонару»

«Марш гонару» ў Менску прайшоў у жорсткім супрацьстаяньні зь сілавікамі, больш за 300 затрыманых

Каля 600 чалавек затрымалі ўва ўсёй Беларусі падчас нядзельнага «Маршу гонару»

Як у Менску праходзіў «Марш гонару». ШМАТ ФОТА

Юры Дракахруст

Тэмы гэтага артыкулу