Жаночы форум за Лукашэнку, які адбыўся на «Менск-Арэне» 17 верасьня, каштаваў 146,5 тысячы рублёў. Арганізацыя і правядзеньне мерапрыемства фінансаваліся за кошт бюджэтных сродкаў, піша Tut.by.
На сайце нацыянальнага цэнтру маркетынгу і каньюктуры цэнаў зьявілася інфармацыя пра дзяржазакупку для гэтага канцэрту. Агульная сума па ўсіх пазыцыях выдаткаў на канцэрт склала 146 483 рублёў 24 капейкі.
Гэтыя грошы пайшлі на абслугоўваньне абсталяваньня і «Менск-Арэны», а таксама на аплату працы тэхнічнага дырэктара (2350 рублёў) і апэратара асьвятляльнага абсталяваньня (230 рублёў). Пры гэтым само абсталяваньне і «Менск-Арэну», паводле дзяржзакупак, здалі ў арэнду задарма.
