Прэс-сакратарка Міністэрства ўнутраных спраў Вольга Чамаданава напісала ў сваім тэлеграм-канале, што ў менскім маршы 13 верасьня ўдзельнічалі 15 тысяч чалавек, агулам па Беларусі нібыта пратэставалі ўсяго 22 тысячы чалавек.
Інфармацыйныя агенцтвы БелаПАН і Reuters сьцьвярджалі, што «Марш герояў» сабраў ня менш за 100 тысяч чалавек.
Паводле зьвестак МУС, 13 верасьня ў Беларусі затрымалі 774 чалавекі (зь іх у Менску – больш за 500 чалавек), за кратамі пакінулі 544.
Выкарыстаньне вадамёта супраць мірных пратэстоўцаў у Берасьці пацьвердзілі. Стрэлы ў паветра з помпавага ружжа каля Драздоў, якія прызналі ўчора, у сёньняшнім паведамленьні ня згадваюць.
