У Гомлі, нягледзячы на пратэсты жыхароў, пачалі ўсталёўваць 60-мэтровы тронец для сьцяга за паўтара мільёна рублёў. Супраць яго будаўніцтва падпісаліся больш за 4,5 тысячы чалавек.
Раней пасьля хвалі абурэньня ўлады прыпынялі рэалізацыю праекту і нават абяцалі, што тронца ня будзе.
Дагэтуль жыхары Гомля і журналісты ня здолелі даведацца, на чыю замову ўзводзяць мачту і за чые грошы. На пляцоўцы няма пашпарту абʼекту, улады на пытаньні не адказваюць.
Аўтары пэтыцыі супраць зьяўленьня мачты ў Гомлі абураліся тым, што ўлады марнуюць грошы, якія прыдаліся б фінансаваць сацыяльную сфэру — дарогі, дзіцячыя садкі, школы і паліклінікі.
