Намесьніца кіраўніка Адміністрацыі прэзыдэнта Вольга Чупрыс 19 лютага назвала «ўкідам» інфармацыю пра зьмяншэньне заробкаў у адукацыі, спартовых школах і культурнай сфэры. Пра гэта яна сказала, наведваючы Ваўкавыскі каледж Горадзенскага дзяржаўнага ўнівэрсытэту імя Янкі Купалы, піша БелТА.
«Праведзены маніторынг паказаў, што фонд заробнай платы за студзень ня зьменшыўся», — сказала Чупрыс.
Яна адзначыла, што ў асобных выпадках выявілі «перакосы» ў налічэньні заробкаў, выявілася, што яны ўзьніклі з-за няправільнага падліку, тыя заробкі нібыта пералічылі.
Што важна ведаць пра зьмены заробку бюджэтнікаў?
У лютым работнікі бюджэтнай сфэры пачалі атрымліваць разьліковыя лісткі за студзень, у якіх заробак разьлічаны па новых правілах. У выніку некаторыя атрымалі меншыя заробкі.
