Чарнобыльская зона, пасёлак Сонечны, 1990 год

Апэратар Сяргей Чырык: «1990 год, Гомельская і Магілёўская вобласьці, зь беларускага боку да рэактара — нейкія паўтара дзясятка кілямэтраў. Дагэтуль перад вачыма закінуты пасёлак Сонечны на Брагіншчыне, вёска Выдранка на Краснапольшчыне. Поўнае адчуваньне „сталкерызму“, нечага нерэальнага. Яшчэ савецкая ўлада, марадэры не асабліва пасьпелі расьцягнуць, хоць той жа Сонечны проста пры дарозе. Канечне, і лазілі, і рабавалі, але ўсё ж крыху пабойваліся. Людзей адсялялі, тыя вярталіся, спадзяваліся, што гэта недарэчная памылка. Жахлівыя асабістыя трагедыі».