На поўначы Італіі асуджаны па справе злачыннай групоўкі Ндрангета захапіў закладнікаў у паштовым аддзяленьні горада П'евэ-Мадалена.
Франчэска Амата, асуджаны на 19 гадоў пазбаўленьня волі, патрабуе, каб зь ім зьвязаўся міністар унутраных спраў Матэа Сальвіні. Пра гэта паведамляе радыё RAI.
Паліцыянты ўгаварылі ўзброенага нажом злачынцу адпусьціць некалькіх закладнікаў. Амата — адзін з 148-мі абвінавачаных па справе аб сувязях са злачыннай групоўкай Ндрангета. 31 кастрычніка пасьля абвяшчэньня прысуду ён схаваўся.
Адным з абвінавачаных па справе аб сувязях з Ндрангетай быў чэмпіён сьвету па футболе 2006 году ў складзе зборнай Італіі Вінчэнца Яквінта. Суд зьняў зь яго гэтыя абвінавачваньні, аднак прыгаварыў да двух гадоў турмы за незаконнае захоўваньне зброі.
Ндрангета — адна з найбуйнейшай арганізаванай злачынных груповак Італіі, якая была ўтвораная ў рэгіёне Калябрыя. Яе ўдзельнікі займаюцца гандлем наркотыкамі, зброі, ядзернымі матэрыяламі, кантролем над дзяржаўнымі закупкамі і дзяржаўнымі паслугамі. Абарот капіталу групоўкі ацэньваецца ў мільярды эўра.
У лютым 2018 году ў Славаччыне быў забіты журналіст Ян Куцьяк. Ён займаўся расьсьледаваньнем сувязяў Ндрангеты і славацкіх палітыкаў.
