У Нацыянальным аэрапорце «Менск» навігацыйныя таблічкі па ўсім тэрмінале дапоўняць беларускай мовай. Па-беларуску загучаць і абвесткі.
Пра гэта паведаміў афіцыйны сайт аэрапорту «Менск».
На інфармацыйных табло беларуская мова ўжо прысутнічае. Паэтапна яна будзе дададзена ў сыстэму гукавых абвестак, гаворыцца ў паведамленьні.
Афіцыйны сайт аэрапорта цяпер мае беларускамоўную вэрсію, якая будзе дапаўняцца і абнаўляцца.
Такім чынам, у аэрапорце «Менск» цяпер будуць прысутнічаць чатыры мовы: беларуская, расейская, ангельская і кітайская.
