Першы дзень новага прэзыдэнта ЗША. Відэа, фота, жывы блог

Дональд Трамп, які атрымаў у лістападзе нечаканую перамогу на выбарах прэзыдэнта ЗША, сёньня а 19-й гадзіне паводле менскага часу афіцыйна зойме гэтую пасаду.

Радыё Свабода будзе весьці тэкставую трансьляцыю, распавядаць пра ўрачыстыя мерапрыемствах у сталіцы ЗША, падчас інаўгурацыі паказваць жывую відэатрансляцыю з сынхронным перакладам на расейскую, а таксама зьбіраць рэакцыі на гэту падзею.

Гісторыя ўзыходжаньня Дональда Трампа — відэавэрсія.

Embed share

Усё ў 5 хвілінах пра 45-га прэзыдэнта ЗША

Embed share

The code has been copied to your clipboard.

---

width px height px

---

The URL has been copied to your clipboard

No media source currently available

0:00 0:05:38 0:00

Тысячы людзей пратэставалі 19 студзеня ў Нью-Ёрку супраць прапанаваных Дональдам Трампам палітычных рашэньняў. Сярод выступоўцаў былі вядомыя акторы, сьпевакі і мэр Нью-Ёрку Біл дэ Блазіё.

Embed share

Пратэст у Нью-Ёрку напярэдадні інаўгурацыі Трампа

Embed share

The code has been copied to your clipboard.

---

width px height px

---

The URL has been copied to your clipboard

No media source currently available

0:00 0:01:41 0:00

Агенцтва Associated Press паведаміла пра «10 абяцаньняў якія Дональд Трамп зрабіў для свайго першага дня». Паводле Associated Press, пасьля ўступленьня на пасаду прэзыдэнта Трамп мае:

— Прапанаваць канстытуцыйную папраўку, якая ўвядзе абмежаваньне на колькасьць тэрмінаў для кангрэсмэнаў.

— Замарозіць прыём на працу ў фэдэральным урадзе, каб зьменшыць выдаткі на заробкі. Пры гэтым будзе зроблены вынятак для агенцтваў, якія займаюцца абаронай, грамадзкай бясьпекай і аховай здароўя.

— Забараніць супрацоўнікам Белага дому і Кангрэсу рабіцца лабістамі пяць гадаў пасьля сыходу зь дзяржаўнай пасады.

— Абвясьціць пляны перамоваў аб зьменах у Паўночнаамэрыканскай дамове аб вольным гандлі паміж ЗША, Канадай і Мэксыкай, альбо выйсьці з гэтай дамовы.

— Афіцыйна выйсьці з Трансціхаакіянскага партнэрства.

— Зьняць абмежаваньні на здабычу вугля, нафты і прыроднага газу.

— Зьняць перашкоды, створаныя ў часе кіраўніцтва Барака Абамы для энэргетычных праектаў, такіх як трубаправод Keystone XL, які мае праходзіць праз тэрыторыі Канады і ЗША.

— Скасаваць выплаты ЗША ў праграмы ААН па зьменах клімату і накіраваць гэтыя грошы ў інфраструктуру ЗША па абароне наваольнага асяродзьдзя і водазабесьпячэньня.

— Спыніць усё фэдэральнае фінансаваньне «гарадам-прытулкам», у якіх мясцовыя ўлады не арыштоўваюць і не затрымліваюць імігрантаў, якія жывуць у ЗША нелегальна.

— Прыпыніць іміграцыю з рэгіёнаў, якія зьвязваюць з тэрарызмам, у тых выпадках, калі складана правесьці праверку.

Сам Дональд Трамп патлумачыў, што пад «першым днём» ня варта разумець менавіта пятніцу, 20 студзеня. Паводле яго, некаторыя рашэньні будуць падпісаныя адразу пасьля інаўгурацыйнай прамовы, а некаторыя ў панядзелак, 23 студзеня.

Франак Вячорка вядзе жывую трансьляцыю з Вашынгтону:

Жывая трансьляцыя інаўгурацыі:

Паведамляецца, што пастар хрысьціянскага цэнтру New Destiny Пола Ўайт, якая сярод іншых сьвятароў мае чытаць малітву на цырымоніі інаўгурацыі Дональда Трампа, гэта першая жанчына ў такой функцыі на інаўгурацыі прэзыдэнта ЗША.

Віцэ-прэзыдэнт ЗША Майк Пэнс прыняў прысягу і заступіў на пасаду. Тэкст прысягі зачытваў судзьдзя Вярхоўнага Суду ЗША Кларэнс Томас.