Сябар Калегіі (міністар) па прамысловасьці і аграпрамысловым комплексе Эўразійскай эканамічнай камісіі Сяргей Сідорскі заявіў, што Беларусь можа падаць у суд на Рассельгаснагляд.
Раней Рассельгаснагляд абмежаваў пастаўкі ў Расею прадукцыі жывёльнага паходжаньня з шэрагу беларускіх прадпрыемстваў з прычыны неадпаведнасьці тэхнічным рэглямэнтам Эўразійскага эканамічнага саюзу.
Паводле Сідорскага, выяўленьне парушэньняў, не зьвязаных з вэтэрынарнымі рызыкамі, не павінна быць падставай для абмежаваньня паставак прадукцыі.
Пасьля рабочай сустрэчы бакі дамовіліся ў трохдзённы тэрмін вырашыць сытуацыю. Беларусь прадставіла Рассельгаснагляду і Эўразійскай эканамічнай камісіі неабходныя матэрыялы, а таксама справаздачы аб прынятых мерах.
«Лічу, што дакумэнты ў поўнай меры адказваюць на пастаўленыя пытаньні, аднак практычных крокаў з боку Рассельгаснагляду па зьняцьці абмежаваньняў не прымаецца», — цытуе Сяргея Сідорскага прэс-служба Эўразійскай эканамічнай камісіі.
— У сувязі з адсутнасьцю ў ЭЭК мэханізмаў уплыву на нацыянальныя органы дзяржаўнай улады, Рэспубліка Беларусь мае права зьвярнуцца ў Суд Эўразійскага эканамічнага саюзу для канчатковага вырашэньня гэтага пытаньня".
