Ярмошына паведаміла журналістам, што з панядзелка 14 сьнежня сыходзіць у адпачынак і адлятае на тыдзень у Італію. Яна пажартавала:
«У мяне будуць рымскія канікулы...Калі ў мяне ўсё будзе добра, то 5 студзеня я зьбіраюся паляцець у Парыж: усё ж вельмі хочацца ажыцьцявіць гэтую маю даўнюю мару».
Лідзія Ярмошына ўваходзіць ў сьпіс чыноўнікаў, якім доўгі час быў забаронены ўезд на тэрыторыі краін Эўразьвязу. Аднак пасьля таго, як дзеяньне гэтых санкцыяў было прыпынена на 4 месяцы, у старшыні ЦВК зьявілася магчымасьць пабыць у Эўразьвязе.
