Як паведамляе ўкраінская служба Радыё Свабода, мінулы тыдзень быў багаты на міжнародныя сустрэчы і перамовы па ўрэгуляваньні сытуацыі на ўсходзе Ўкраіны. Нечаканыя візыты спачатку ў Кіеў, а затым у Маскву канцлеркі Нямеччыны Ангелы Меркель і прэзыдэнта Францыі Франсуа Алянда, тэлефонныя перамовы, Мюнхенская канфэрэнцыя па пытаньнях бясьпекі і, у рэшце рэшт, перамовы лідэраў Украіны, Расеі, Германіі і Францыі ў Менску.
Карыстальнікі сацсетак не шкадавалі фантазіі і з гумарам рэагавалі на гэтыя падзеі.
У мінулую суботу, 7 лютага, падчас выступу на Мюнхенскай канфэрэнцыі па пытаньнях бясьпекі прэзыдэнт Украіны Пятро Парашэнка прадэманстраваў пашпарты і ваенныя білеты салдатаў і афіцэраў Расеі, якія ваявалі на ўсходзе Ўкраіны.
«Гэта найлепшы доказ агрэсіі і прысутнасьці расейскіх войскаў... рускіх салдатаў і афіцэраў, якія «заблукалі» на сто кілямэтраў ад мяжы на танках, поўных боепрыпасаў, і забіваюць маіх салдат, забіваюць цывільных украінскіх жыхароў», - падкрэсьліў ён.
Фота Парашэнкі з пашпартамі натхніла фотошопэраў:
А нехта зьвяртаў увагу і на іншыя дэталі:
Паседжаньне Гааскага трыбуналу ў Менску
Напярэдадні перамоваў у Менску карыстальнікі сацыяльных сетак ужо знаходзіліся ў чаканьні новага арыгінальнага выступу Парашэнкі:
Але чаканьні блогераў апраўдаў не прэзыдэнт Украіны. Усяго падчас перамоваў жартавалі, часам нават даволі жорстка, над прэзыдэнтам Расеі Уладзімірам Пуціным, а таксама працягласьцю сустрэчы.
«Дарагіх гасьцей накармілі беларускімі алівамі, пармэзанам і вустрыцамі і напаілі беларускім Дом Перэньёнам», — жартаваў адзін з карыстальнікаў сеткі мікраблогаў Twitter.
Не абышлі ўвагай карыстальнікі сацыяльных сетак і зламаны Ўладзімірам Пуціным падчас перамоваў аловак. Адзін з карыстальнікаў сеткі мікраблогаў Twitter напісаў: «У Менску вырашаюць, хто павінен плаціць за зламаны аловак — Украіна, асабіста Парашэнка або МВФ. Пуцін ні пры чым — доказаў жа няма».
Ці зьменіць «Лайфньюз» назву на «ГаўНьюз» або «ЛайНьюз»?
Разыначкай вечара перамоваў у Менску стала выхадка журналіста расейскага тэлеканалу «Лайфньюз». Падчас чаканьня лідэраў «Нармандзкай чацьвёркі» паміж ім і карэспандэнтам украінскага тэлеканалу «1 + 1» Вольгай Кашаленка паўстаў канфлікт, падчас якога расейскі журналіст закрычаў на ўсю залю «Гаў-гаў!».
Рэакцыя сацыяльных сетак была імгненнай і бязьлітаснай:
«Я разумею, што для ўезду ў Беларусь расейскім журналістам не патрэбна віза. Але вэтэрынарны пашпарт? »
«Журналісты заснулі ... і толькі» Лайфньюз «працягвае брахаць пад дзьвярыма пакоя перамоваў».
«Гад! Карыстаецца тым, што сабак нельга біць ».
Шматлікія фотажабы апанавалі і старонку «гаўклівага» журналіста ў сацыяльнай сетцы Вконтакте, аднак учора (13 лютага) ён, відавочна, не вытрымаўшы славы, зачыніў на старонку доступ.
У публікацыі выкорыстаная выява з сайту durdom.in.ua
