Курсы продажу амэрыканскай валюты на віртуальнай біржы Webmoney істотна перавышаюць курсы Нацыянальнага банку Беларусі і абменных пунктаў.
Расейскі сэрвіс электронных грошай прапануе сваім кліентам цьвёрдую валюту ў тым ліку і за беларускія рублі.
Уладальнікі электронных кашалькоў на гэтым сэрвісе могуць купіць даляры ЗША па курсе амаль што 26 тысяч беларускіх рублёў за даляр.
Аднак рэальныя зьдзелкі па такім курсе фактычна не праводзяцца.
Зацікаўленыя ў замежнай валюце могуць удзельнічаць у таргах паміж кліентамі на біржы сэрвісу.
Там курс даляра да беларускага рубля вагаецца ў межах 16 146–17 000 рублёў, зьдзелкі адбываюцца штодня.
