Адрэсу для сваёй першамайскай вандроўкі я выбраў невыпадкова. Пасёлак Высокае - месца гістарычнае. 83 гады таму тут адбыўся першы зьезд КПЗБ, пра які дагэтуль вядома мінімум інфармацыі. Напярэдадні актывісты партыі Справядлівы Сьвет (былой КПБ) знайшлі валун недалёка ад руінаў старажытнай царквы, дзе побач у гумне праходзіў падпольны зьезд. На ім маюць намер прычапіць памятную шыльду. Сюды прыехалі былыя і сёньняшнія сакратары Мікалай Карніенка і Мікалай Дзямідаў, праваабаронца Мікалай Петрушэнка і намесьнік старшыні моладзевай арганізацыі "Зьвяз" Ігар Казьмярчук.