Нацыянальная бібліятэка зазьзяла жоўта-блакітным. Фотажарт
У інтэрнэце зьявіўся фотаздымак Нацыянальнай бібліятэкі, якая нібыта зазьзяла жоўтым і блакітным колерамі на знак салідарнасьці з Эўрамайданам.
Многія ўспрынялі гэты каляж як праўду. Тўіт са здымкам Бібліятэкі трапіў у топ самых цытаваных паведамленьняў, прысьвечаных украінскаму Майдану.
У многіх краінах сьвету будынкі, масты, помнікі насамрэч падсьвечаныя колерамі ўкраінскага сьцягу на знак салідарнасьці з пратэстоўцамі, якія не спыняюць акцыі цягам трох тыдняў.
У ЗША, жоўта-блакітнымі колерамі падсьвяцілі сымбаль свабоды і дэмакратыі — статую Свабоды ў Нью-Ёрку.
Падобная акцыя прайшла і ў Бразіліі. У Рыа-дэ-Жанэйра падсьвяцілі колерамі ўкраінскага сьцяга знакамітую статую Хрыста-Збаўцы.
Таксама мост паміж ЗША і Канадай сьвеціцца жоўта-блакітным. Яшчэ раней быў аналягічна падсьвечаны Палац культуры і навукі ў Варшаве
Найвышэйшы хмарачос у Польшчы папраўдзе стаў жоўта-блакітным
