Цэны на гарадзенскім аўтарынку зраўняліся зь менскімі, чаго раней ніколі не было. Малы выбар аўта, высокія кошты і невялікая колькасьць пакупнікоў — вось галоўныя рысы цяперашняга рынку патрыманых аўтамабіляў у Беларусі.
Гарадзенскі аўтарынак ужо амаль два гады як зьмяніў месцазнаходжаньне, цяпер ён на Паўднёвым рынку. У параўнаньні з тым, што было на старой менскай дарозе, пры выезьдзе з Горадні, тут — поўная цішыня.
