31 траўня ўвечары жонцы Андрэя Пачобута калегі журналіста па Саюзе палякаў перадалі сродкі, сабраныя сябрамі арганізацыі, каб падтрымаць ягоную сям’ю. Гэта адбылося на сходзе, які праходзіць у Горадні кожны аўторак. У Пачобутаў двое дзяцей: дачцэ Яне дзесяць гадоў, сыну Яраславу — крыху больш за год.
Грошы ўручыла выканаўца абавязкаў старшыні Саюзу палякаў Анжаліка Арэхва. Аксана Пачобут падзякавала ўдзельнікам арганізацыі, у якой яе муж зьяўляецца старшынём Галоўнай рады. Беларускія ўлады адмаўляюцца зарэгістраваць Саюз.
Аксана Пачобут зьвяртаецца да сябраў Саюзу палякаў
Сёньня ж Аксана Пачобут мела спатканьне з мужам, якое дазволіў судзьдзя Віталь Лецка, які будзе разглядаць яго крымінальную справу. Журналіста ўтрымліваюць за кратамі каля двух месяцаў, ён знаходзіцца ў сьледчым ізалятары гарадзенскай турмы N1 на вуліцы Кірава. Справа будзе разглядацца ў Ленінскім раённым судзе Горадні, дата пакуль невядомая.
Удзельнікі сходу СПБ.
Андрэй Пачобут зьяўляецца карэспандэнтам польскай «Газэты выборчай». У аснове крымінальнай справы — публікацыі журналіста: восем з «Газэты выборчай» і дзьве з інтэрнэту — зь «Беларускага партызана» і «Жывога часопіса». Журналісту прад’яўлена абвінавачаньне па двух артыкулах Крымінальнага кодэксу РБ — 368 (частка 1) — «абраза» і 367 (частка 1) — «паклёп» у адносінах да прэзыдэнта. Па першым зь іх прадугледжана пакараньне да двух гадоў зьняволеньня, па другім — ад двух да чатырох гадоў.
Грошы ўручыла выканаўца абавязкаў старшыні Саюзу палякаў Анжаліка Арэхва. Аксана Пачобут падзякавала ўдзельнікам арганізацыі, у якой яе муж зьяўляецца старшынём Галоўнай рады. Беларускія ўлады адмаўляюцца зарэгістраваць Саюз.
Сёньня ж Аксана Пачобут мела спатканьне з мужам, якое дазволіў судзьдзя Віталь Лецка, які будзе разглядаць яго крымінальную справу. Журналіста ўтрымліваюць за кратамі каля двух месяцаў, ён знаходзіцца ў сьледчым ізалятары гарадзенскай турмы N1 на вуліцы Кірава. Справа будзе разглядацца ў Ленінскім раённым судзе Горадні, дата пакуль невядомая.
Андрэй Пачобут зьяўляецца карэспандэнтам польскай «Газэты выборчай». У аснове крымінальнай справы — публікацыі журналіста: восем з «Газэты выборчай» і дзьве з інтэрнэту — зь «Беларускага партызана» і «Жывога часопіса». Журналісту прад’яўлена абвінавачаньне па двух артыкулах Крымінальнага кодэксу РБ — 368 (частка 1) — «абраза» і 367 (частка 1) — «паклёп» у адносінах да прэзыдэнта. Па першым зь іх прадугледжана пакараньне да двух гадоў зьняволеньня, па другім — ад двух да чатырох гадоў.
