У офісе праваабарончага цэнтру «Вясна» адбыўся ператрус. Супрацоўнікі КДБ паказалі пастанову, падпісаную пракурорам Менску. Ператрус праводзіцца ў межах крымінальнай справы аб падзеях на плошчы 19 сьнежня. У якасьці панятых кадэбісты прывялі суседзяў. На прапанову Валянціна Стэфановіча таксама пабыць панятым афіцэр КДБ ветліва адказаў: «Валянцін, вашы паслугі нам не спатрэбяцца».
Валянціна Стэфановіча, Алега Гулака, журналіста БелаПАН і супрацоўніка міжнароднай місіі папрасілі пакінуць памяшканьне, у кватэры застаўся Алесь Бяляцкі. Пасьля ператрусу ў офісе яго адвезьлі на лецішча, дзе быў праведзены яшчэ адзін ператрус.
Алеся Бяляцкага вязуць на другі ператрус
У кватэру, дзе пражывае Бяляцкі, сёньня таксама прыходзілі супрацоўнікі КДБ, але дома там нікога не было.
Гэта ўжо трэці візыт супрацоўнікаў КДБ у офіс «Вясны». Першы раз туды ўварваліся ў ноч з 19 на 20 сьнежня, калі крымінальная справа яшчэ не была заведзена. Тады забралі ўсю аргтэхніку. Другі раз прыходзілі 20 сьнежня ўдзень.
Валянціна Стэфановіча, Алега Гулака, журналіста БелаПАН і супрацоўніка міжнароднай місіі папрасілі пакінуць памяшканьне, у кватэры застаўся Алесь Бяляцкі. Пасьля ператрусу ў офісе яго адвезьлі на лецішча, дзе быў праведзены яшчэ адзін ператрус.
У кватэру, дзе пражывае Бяляцкі, сёньня таксама прыходзілі супрацоўнікі КДБ, але дома там нікога не было.
Гэта ўжо трэці візыт супрацоўнікаў КДБ у офіс «Вясны». Першы раз туды ўварваліся ў ноч з 19 на 20 сьнежня, калі крымінальная справа яшчэ не была заведзена. Тады забралі ўсю аргтэхніку. Другі раз прыходзілі 20 сьнежня ўдзень.
