Госьць “Начной Свабоды” – былы інжынер відэамантажу Белтэлерадыёкампаніі, студэнт-завочнік Акадэміі мастацтваў Яўген Шапчыц, аўтар скандальнага відэароліка “Бабуля-2010”.
Гэта кароткая гісторыя пра хлопца, які схаваў бабулін пашпарт, каб яна не аддала свой подпіс за Лукашэнку. Ролік «Бабуля-2010» зьявіўся ў інтэрнэце 8 лістапада, за першы дзень яго паглядзелі 23 тысячы гледачоў.
Яўген адказаў на пытаньні вядучай Начной Свабоды Ганны Соўсь і наведнікаў сайту Свабоды.
Пытаецца Вітольд Няўрыда з Магілёва:
Вітаю, Яўген!
Хачу падзякаваць за ролік - сапраўды парадаваў у нашай амаль безнадзейнай сытуацыі. Мы з братам дамовіліся схаваць пашпарт нашай цёткі, каб яна не зьдзейсьніла памылкі ў чарговы раз.
Пытаньне такое. Раскажыце якая атмасфэра на БТ унутры самога калектыву. Ці сапраўды журналісты БТ падтрымліваюць Лукашэнку?
І другое пытаньне, як унутры калектыву ставяцца да людзей, якія вядуць палітычныя праграмы, абліваючы кожны раз усіх дэмакратам брудам?
Яўген Шапчыц: Калі 5 гадоў таму я разьмяркоўваўся ў Белтэлерадыёкампанію, я думаў, што гэта такі “аплот” журналістаў, якія падтрымліваюць з тых або іншых прычынаў існуючую ўладу. Усе як адзін. Калі я туды прыйшоў працаваць, я пабачыў, што гэта не зусім так. Бо там таксама працуюць людзі розных поглядаў. Напрыклад, акторка ў маім роліку - гэта таксама супрацоўніца Белтэлерадыёкампаніі Ганна Іванаўна. Яна была аўтарам шэрагу праграм на тэму гісторыі і культуры Беларусі, не хаваючыся выказвала свае погляды. Карацей, я зразумеў, што на Беларускім тэлебачаньні таксама ёсьць розныя думкі.
Калі я пачаў крышачку разьбірацца, я зразумеў, што там ёсьць такая структура як Агенцтва тэлевізійных навінаў. Я падумаў, што там, напэўна, і знаходзіцца той “аплот”. Калі я яшчэ крыху больш папрацаваў, я даведаўся, што навіны таксама робяць розныя людзі. Ня біяробаты, а жывыя людзі.
Так што ў рэшце кола “аплоту” звузілася да некалькіх чалавек, якія робяць “аналітычныя праграмы”, як гэта завецца на БТ – такія як Новікаў, або вядомы рэжысэр Азаронак, які там ужо, дарэчы, не працуе і па іроніі лёсу цяпер узначальвае тэлеканал “Жэст” для глуханямых.
Гэта кароткая гісторыя пра хлопца, які схаваў бабулін пашпарт, каб яна не аддала свой подпіс за Лукашэнку. Ролік «Бабуля-2010» зьявіўся ў інтэрнэце 8 лістапада, за першы дзень яго паглядзелі 23 тысячы гледачоў.
Яўген адказаў на пытаньні вядучай Начной Свабоды Ганны Соўсь і наведнікаў сайту Свабоды.
Пытаецца Вітольд Няўрыда з Магілёва:
Вітаю, Яўген!
Хачу падзякаваць за ролік - сапраўды парадаваў у нашай амаль безнадзейнай сытуацыі. Мы з братам дамовіліся схаваць пашпарт нашай цёткі, каб яна не зьдзейсьніла памылкі ў чарговы раз.
Пытаньне такое. Раскажыце якая атмасфэра на БТ унутры самога калектыву. Ці сапраўды журналісты БТ падтрымліваюць Лукашэнку?
І другое пытаньне, як унутры калектыву ставяцца да людзей, якія вядуць палітычныя праграмы, абліваючы кожны раз усіх дэмакратам брудам?
Яўген Шапчыц: Калі 5 гадоў таму я разьмяркоўваўся ў Белтэлерадыёкампанію, я думаў, што гэта такі “аплот” журналістаў, якія падтрымліваюць з тых або іншых прычынаў існуючую ўладу. Усе як адзін. Калі я туды прыйшоў працаваць, я пабачыў, што гэта не зусім так. Бо там таксама працуюць людзі розных поглядаў. Напрыклад, акторка ў маім роліку - гэта таксама супрацоўніца Белтэлерадыёкампаніі Ганна Іванаўна. Яна была аўтарам шэрагу праграм на тэму гісторыі і культуры Беларусі, не хаваючыся выказвала свае погляды. Карацей, я зразумеў, што на Беларускім тэлебачаньні таксама ёсьць розныя думкі.
Калі я пачаў крышачку разьбірацца, я зразумеў, што там ёсьць такая структура як Агенцтва тэлевізійных навінаў. Я падумаў, што там, напэўна, і знаходзіцца той “аплот”. Калі я яшчэ крыху больш папрацаваў, я даведаўся, што навіны таксама робяць розныя людзі. Ня біяробаты, а жывыя людзі.
Так што ў рэшце кола “аплоту” звузілася да некалькіх чалавек, якія робяць “аналітычныя праграмы”, як гэта завецца на БТ – такія як Новікаў, або вядомы рэжысэр Азаронак, які там ужо, дарэчы, не працуе і па іроніі лёсу цяпер узначальвае тэлеканал “Жэст” для глуханямых.
