Паводле беларускага міністэрства юстыцыі, расейскае мыта «сур’ёзна абцяжарыла», а па асобных пазыцыях «прывяло да поўнага спыненьня паставак нафтапрадуктаў» у Беларусь. У выніку найбуйнейшыя прадпрыемствы беларускага нафтахімічнага комплексу могуць спыніцца. Афіцыйны Менск прыгразіў, што заводы, якім нанёс шкоду расейскі бок, могуць зьвярнуцца ў арбітражны суд Расеі.
З расейскага боку заяўляюць, што мыта, якое абурыла афіцыйны Менск, спаганяецца згодна з расейскім нацыянальным заканадаўствам.
Апошні раз нафтавае пытаньне ўздымалася падчас візыту расейскага прэм’ера Ўладзімера Пуціна 16 сакавіка ў Берасьце, аднак безвынікова.
Паводле кіраўніка цэнтру Мізэса Яраслава Раманчука, беларуска-расейская нафтавая вайна ня скончылася.
«Гэта працяг шантажу і прыніжэньня спадара Пуціна. Гэта новая фаза канфлікту з Расеяй, і яна будзе працякаць ня толькі ў нафтавым рэчышчы. Тое, што адбылося зь нядопускам беларускага МАЗу да тэндэру ў Санкт-Пецярбургу, каб прадаць на расейскі рынак нашы тавары, сьведчыць, што за гэтым пойдзе эскаляцыя канфлікту па іншых таварных групах».
У эканамічным судзе паведамілі, што Беларусь упершыню падала пазоў на Расею і далей будуць «неабходныя працэсуальныя дзеяньні згодна з рэглямэнтам».
Паводле незалежнага юрыста Валера Фадзеева, праблема палягае ў тым, што кампэтэнцыя суду не распаўсюджваецца на Мытны саюз.
«Хутчэй за ўсё, суд прымае рашэньне насамрэч як рэкамэндацыю. А краіны павінны выконваць. Калі яны ня выканаюць, тут няма такіх рычагоў — не апішаш маёмасьць, ня зробіш нешта іншае. Таму насамрэч усё будзе залежаць ад краіны, адносна якой рашэньне прынятае».
Паводле маскоўскага палітоляга Кірыла Коктыша, у судовай спрэчцы афіцыйны Менск мае няшмат пэрспэктываў. Іншая справа, ці пойдзе ён на дэнансацыю мытнай дамовы?
«Навошта было падпісваць пагадненьне з Расеяй па нафце, а потым, фактычна, свой жа подпіс аспрэчваць у судзе? Гэта юрыдычна, канечне, слабая пазыцыя. Але палітычная пэрспэктыва ня ўтрэсьці гэтыя недарэчнасьці ў двухбаковых стасунках, канечне, ёсьць. Атрымліваецца, што падпісалі, а потым заяўляюць, што ня ведалі, што падпісвалі, і разьлічвалі, што ўсё будзе па-іншаму. Потым можна гэтае пагадненьне дэнансаваць, але паўстае пытаньне пра адказнасьць дзяржавы і яе міжнародную рэпутацыю».
Паводле кіраўніка цэнтру Мізэса Яраслава Раманчука, расейскі бок можа прад’явіць сустрэчныя пазовы да афіцыйнага Менску.
«Калі Міністэрства эканамічнага разьвіцьця Расеі заявіла, што ёсьць 24 спосабы блякаваць расейскія тавары ў Беларусі і ёсьць загад, каб 90% тавараў у беларускіх крамах былі беларускімі, гэта ёсьць яскравы прыклад забароны расейскіх тавараў на беларускім рынку. І калі пачнецца такая разборка, то мы будзем сьведкамі таго, як бакі самі сябе будуць крытыкаваць і выкрываць, што ані мытнага саюзу, ані зоны вольнага гандлю, нічога няма. І толькі ёсьць сварка. Гэта будзе асымэтрычны адказ, і, я думаю, расейцы выберуць найбольш балючыя для нас кропкі».
З расейскага боку заяўляюць, што мыта, якое абурыла афіцыйны Менск, спаганяецца згодна з расейскім нацыянальным заканадаўствам.
Апошні раз нафтавае пытаньне ўздымалася падчас візыту расейскага прэм’ера Ўладзімера Пуціна 16 сакавіка ў Берасьце, аднак безвынікова.
Паводле кіраўніка цэнтру Мізэса Яраслава Раманчука, беларуска-расейская нафтавая вайна ня скончылася.
Гэта працяг шантажу і прыніжэньня спадара Пуціна.
У эканамічным судзе паведамілі, што Беларусь упершыню падала пазоў на Расею і далей будуць «неабходныя працэсуальныя дзеяньні згодна з рэглямэнтам».
Паводле незалежнага юрыста Валера Фадзеева, праблема палягае ў тым, што кампэтэнцыя суду не распаўсюджваецца на Мытны саюз.
«Хутчэй за ўсё, суд прымае рашэньне насамрэч як рэкамэндацыю. А краіны павінны выконваць. Калі яны ня выканаюць, тут няма такіх рычагоў — не апішаш маёмасьць, ня зробіш нешта іншае. Таму насамрэч усё будзе залежаць ад краіны, адносна якой рашэньне прынятае».
Паводле маскоўскага палітоляга Кірыла Коктыша, у судовай спрэчцы афіцыйны Менск мае няшмат пэрспэктываў. Іншая справа, ці пойдзе ён на дэнансацыю мытнай дамовы?
Паводле кіраўніка цэнтру Мізэса Яраслава Раманчука, расейскі бок можа прад’явіць сустрэчныя пазовы да афіцыйнага Менску.
«Калі Міністэрства эканамічнага разьвіцьця Расеі заявіла, што ёсьць 24 спосабы блякаваць расейскія тавары ў Беларусі і ёсьць загад, каб 90% тавараў у беларускіх крамах былі беларускімі, гэта ёсьць яскравы прыклад забароны расейскіх тавараў на беларускім рынку. І калі пачнецца такая разборка, то мы будзем сьведкамі таго, як бакі самі сябе будуць крытыкаваць і выкрываць, што ані мытнага саюзу, ані зоны вольнага гандлю, нічога няма. І толькі ёсьць сварка. Гэта будзе асымэтрычны адказ, і, я думаю, расейцы выберуць найбольш балючыя для нас кропкі».
