نجیب الله الوخېل په خوست کې د مشال راډیو خبریال دی او د خوست، پکتیا، پکتیکا او لوګر پر حالاتو رپورټونه جوړوي.
اکرم خپلواک وړاندې وویل، چې په وزیرستان کې روان پوځي عملیات باید د یوې مشخصې ډلې په مقابل کې نه وي،بلکې هغه ټولې ډلې باید وځپل شي،چې د ډیورند کرښې اخوا یا دېخوا ترهګریز بریدونه کوي
د خوست ولایت چارواکي وايي، چې د یاد ولایت د ملي امنيت له خوا د اسماعیل خېلو او مندوزیو ولسوالۍ د زیړۍ ترخې په کلي کې يې نهه تنه ځانمرګي بریدګر نیولي دي.
د خوست یو شمېر میرمنې او مدني فعالانې د راتلونکي ولسمشر نه غواړي، چې د ښځو له پاره دې د زده کړو امکانات پراخ کړي.
د اشرف غني احمدزي په مشری د تحول او تداوم د ټیم د منځنۍ کچې ځنو سوداګرو په خوست کې د کډوالو په ګلان پنډغالي یا کېمپ کې پر پنځه سوه مستحقو کورنیو د پنځوس زره ډالرو په ارزښت یو شمېر خیمې همدارنګه خوراکي او غیر خوراکي توکي وویشل.
په خوست کې د ټاکنو د خپلواک کمیسیون مشر شفیق وفا د رایو بیا شمېرلو په باب مشال راډیو ته وویل، چې دا بهیر به د ناظرینو او مشاهدینو پر وړاندې په شفافیت ترسره شي
په خوست کې د ګربزو د ګلان کېمپ یا پنډغالۍ خلکو ته په اتیایمه لیسزه کې پر افغانانو د روسانو د یرغل او د افغانانو د مهاجرتونو وخت ور په یادوي.
د افغانستان د قومونو او سرحدونو چارو وزیر ډاکټر اکرم خپلواک وايي، چې په قبایلي سیمو پردۍ جګړه تپل شوې او تور پورې کوي، چې په شمالي او جنوبي وزیرستان کې د ستونزو او جګړو مسوولیت د پاکستان پوځ او استخباراتو ته متوجه دی.
د پنجشنبې ورځې ناوخته په خوست کې د افغان حکومت یو شمېر لوړو پوړو چارواکو د یوې خبرې ناستې د لارې وویل، چې حکومت به د هغو قبایلي سیمو د کډوالو سره پوره مرسته وکړي، چې د پولي د پورې غاړې څخه د ورستیو عملیاتو او بمباریو د لاسه راکډه شوي دي
د افغان ولسمشرۍ ټاکنو په شپه د جواس خان اتې کلنې لور ساه ورکړه خو هغه نه غوښت چې خپل لور تر رایو اچولو مخکې خاورو ته وسپاري، داسې نه چې کلیوال یې له رای اچولو پاته شي.
په خوست کې چارواکي وايي، چې د ټاکنو په ورځو کې امنیتي عسکرو ۳۰ مشکوک وسلوال، چې غوښتل يې په خوست کې د ټاکنو په بهیر کې امنیتي پیښې رامنځته کړي، نیولي دي.
د خوست د ګربزو د بوري خېلو په سیمه کې هغه پراخه دښته چې د پولي د پورې غاړې د کډوالو د کېمپ یا پنډغالي د جوړیدو له پاره په نښه شوې، تېر مازدیګر په کې په یوه اوږده لیکه د سپین رنګه خیمو لګول پیل شول.
په خوست کې د ټاکنیزو شکایتونو د کمیسیون چارواکیو د یوې خبري ناستې د لارې په یاد ولایت کې د امنیتي ارګانونو د احتمالي درغلیو په باب خپله انديښنه په ډاګه کړه.
له دوه اونیو راهیسې خوست ته د شمالي وزیرستان او نورو نږدې قبایلي سیمو څخه په لسګونو کورنۍ راماتې دي او هره ورځ د خوست په بیلابیلو سیمو کې استوګنه غوره کوي.
د چهارشنبې ورځې ناوخته په خوست کې ۱۵۰ تنه پولیسانو ته تر مسلکي زده کړو وروسته د ځانګړو پوځي مراسمو په ترڅ کې د فراغت سندونه ورکړل شول، په مراسمو کې د یاد ولایت امنیه قوماندان وویل، چې نوي فارغ شوي پولیسان به د شنبې ورځې د ټاکنو د امنیت او نظم د ساتنې له پاره وګمارل شي.
غونډه چې د خوست ولایت د بیلابیلو قومونو د یو شمېر مشرانو، سپینږیرو او ځوانانو په ګډون د جرګو په تالار کې جوړه شوې وه، ویناوالو په خپلو خبرو کې ډاکټر عبدالله د ولسمشري لپاره وړ کاندید وباله او په ده شوی برید یې هم وغانده.
د خوست والي عبدالجبار نعیمي د ودانیو د کار د پیل په مراسمو کې مشال راډیو ته وویل، چې پوهنتون د زده کړې، سولې او امن کور دی او باید ورته هر اړخیزه توجه وشي
د خوست سوداګر او پانګوال وايي، تر څو چې خوست ته وارداتي برښنا رانشي، تر هغه وخته په خوست کې د تولیدي فابریکو جوړیدل ناشوني دي او پانګوال به هم په دې ولایت کې ډېرې پانګې اچونې ته زړه ښه نه کړي.
په خوست کې د شېخ زايد پوهنتون لپاره د کتابتون وداني چې ودانیزې چارې يې اتلس میاشتې وړاندې پیل شوې وې، د نشه يي توکو پر ضد وزارت د امتیازې بودجې څخه د څه د پاسه دوولس میلیونه افغانیو په لګښت جوړه او ګټې اخیستنې ته وسپارل شوه.
د چهارشنبې په ورځ په خوست کې درې زره مجاهدینو، دیني عالمانو او قومي مشرانو د یوې غونډې له لارې په راتلونکو ټاکنو کې د ولسمشری نوماند ډاکټر اشرف غني احمدزي څخه خپل ملاتړ اعلان کړ.
په خوست کې د ملي امنیت ادارې د یاد ولایت په بیلابیلو ولسوالیو او سیمو کې نهه مشکوک وسلوال نیولي او د هغوی سره یوه اندازه سپکه وسله او نور پوځي تجهیزات هم د یادو ځواکونو لاسته لویدلي دي.
نور وښیئ
