نجیب الله الوخېل په خوست کې د مشال راډیو خبریال دی او د خوست، پکتیا، پکتیکا او لوګر پر حالاتو رپورټونه جوړوي.
د افغانستان په خوست ولايت کې پوليسو يو کس د يو ماشوم د تښتولو په تور نيولی دی. پر دي سړی دا تور هم پورې شوی چې پخوا يې په سړکونو کې بمونه ايښودل او تر دې مخکې زنداني شوی هم وو.
پکتیکا والي پر ټولو مرستندویه او بسپنه ورکوونکو ادراو غږ وکړ، چې د ياد پنځه کلن ستراتيژيک ولايتي پرمختيايي پلان په عملي کولو کې پراخه ونډه واخلي، چې په راتلونکي کې پکتيکا په يو پرمختللي ولايت بدل شي.
په خوست کې یو شمېر علمي، فرهنګي او ټولنیز شخصیتونه وايي، چې اوسمهال په پښتون قوم کې حوصله او د منښتې صفت ډېر شوی او پښتانه د هر هغه چاته درنښت او عزت کوي، چې د دی لوی ټبر د ژوند او فرهنګ د ودې او پرمختګ له پاره رښتینی خدمت کوي.
له ولایتي شوراګانو څخه د څار او نظارت حق تر اخیستل کېدو وروسته د شنبې په ورځ د پکتیکا ولایتي شورا غړو هم د شورا دروازه وتړله.
د جمعې په ورځ د پکتيکا په اورګون ولسوالۍ کې د افغان امنيتي ځواکونو له لوري د چاڼيزو عملياتو په ترڅ کې د وسلو او چاوديدونکو موادو یو شمېر ډيپو ګان نيول شوي دي.
د خوست ولایتي شور ا غړو د اعتراض په بڼه د ولسي جرګې له خوا د ولایتي شوراګانو د نظارت د تصویب شوي قانون پرخلاف نن د پنجشنبې ورځې ناوخته د شورا دروازه وتړله، په دې قانون کې د ولایتي شوراګانو څخه د ځايي حکومتي ادارو د نظارت حق اخیستل شوی دی.
په خوست کې د ولایتي شورا غړي وايي، چې نور په حکومتي ادارو کې د فسادګرو، غلو او درغلګرو وخت تېر شوی دی.
د پکتيکا په مرکز ښرنه کې د ښوونکو د روزنې انسټیټیوټ له پاره د اوه دېرش مېليونه افغانيو په لګښت دوه بېلابېلې ودانۍ جوړې شوې، یادې ودانۍ چې د نشه يي توکو سره د مبارزې وزارت په مالي لګښت جوړې شوې، د اته سوه څخه تر زرو پورې د محصلانو د اوسیدو ځایونه لري.
د پکتيکا ولایت په مرکز ښرنه کې د چټک غبرګون د پولیسو له پاره د درې مېليونه اوه لکه ډالرو په لګښت بېلابېلې ودانې جوړې او ګڼه اخیستنې ته وسپارل شوې.
نن د چهارشنبې پر ورځ د خوست د ولایتي شورا غړو بالاخره په خپلو کې د یو تن سناتور او د اداري پلاوي د ټاکل کېدو پر سر د اختلافونه تر حلیدو وروسته خپله لومړنۍ کاري غونډه جوړه کړه.
د پکتیا ولایت امنیتي چارواکي وايي، چې د یاد ولایت په بیلابیلو سیمو کې يې یوولس ټنه نشه يي توکي او د نشه يي توکو شپږ تنه قاچاق کوونکي نیولي دي.
د منګلو د قوم یو شمېر اوسیدونکي د افغان حکومت او ایتلافي قواوو څخه په کلکه غوښتنه کوي، چې د هغه هوايي برید پلټنه دې وکړي، چې څلور ورځې مخکې د دوی پر مشرانو د موسی خېلو ولسوالۍ د شولګر په سیمه کې شوی دی.
په خوست کې د افغان او بهرنیو ځواکونو د ګډ مرکز په جومات کې چاودنه شوې، چې په کې یو تن حکومت پلوی ملا وژل شوی دی.
په خوست کې لا هم ډیری خلک د بشري حقونو په مسایلو نه پوهیږي، دوی فکر کوي، چې د بشري حقونو د بحث موضوع یوازې د ښځو د حقونو تامین او د ښځو پر وړاندې د تاوتریخوالي له منځه وړل دي او د بشري حقونو مسلې د نارینه وو سره کوم تړاو نه لري.
د پکتیکا ولایت چارواکي وايي، چې د یاد ولایت د مرکز او ولسوالیو د ټولو ملکي او پوځي ادارو هر اړخیزه ارزونه يې پیل کړی، تر څو له یوې خوا د ادارو ظرفیتونه او ترسره شوي فعالیتونه مالوم شي او بل لوري ته د پکتیکاوالو اساسي اړتیاوې او غوښتنې هم راټولې شي.
د پکتیکا ولایت په جانخېلو ولسوالۍ کې د کلیو پراختیا ریاست په چوکاټ کې د پنځه اتیا پروژو کارونه، چې سل میلیونه افغانۍ پرې لګښت راځي، پیل شوي دي.
د خوست یو شمېر مدني فعالان، د ټولنیزو سازمانونو غړي او ځوانان وايي، که چیرې د نوي حکومت په جوړښت کې په افغانستان کې د ټولو موافقو او مخالفو ډلو او ګوندنو غړو ته برخه ورکړل شي، نو ښايي په دې هېواد کې شته ناخوالې په بنسټیز ډول ختمې شي او د هېواد جوړونې په بهیر کې به افغانان په متحده توګه برخه واخلي.
د چارشنبې په ورځ تر غرمې وړاندې د یوولسو بجو پرمهال د خوست ښار لویدیز لوري ته د اداري کمپلیکس په سیمه کې د پولیسو په روزنیز مرکز د دریو تنو ځانمرګو برید کوونکو له خوا برید وشو.
جنرال فیض الله غیرت وویل، چې په دې دواړو پيښو کې امنیتي ځواکونو او ملکي وګړو ته هېڅ ډول زیان نه دی رسیدلی.
یو مدني فعال وايي، چې په تېره دیارلس کلنه دوره کې دې هغه وزیران او والیان چې په اداري فساد او غلاوو کې يې لاس وو، له دندو ګوښه او پر ځای دې اهل او ژمن کسان معرفي شي
نور وښیئ
