نجیب الله الوخېل په خوست کې د مشال راډیو خبریال دی او د خوست، پکتیا، پکتیکا او لوګر پر حالاتو رپورټونه جوړوي.
امینه قوماندان په خوست کې یو شمېر هدفي وژنو په اړه وویل، چې دا ډول ډېری پيښې د شخصي دښمنیو له کبله منځته راځي.
د شمالي وزیرستان یو لوی دیني عالم مولوي عبدالخالق غونډې ته وویل، چې نن د پوځ او طالبانو په جنګ کې ملکیانو ته مرګ ژوبله رسیږي.
د خوست سوداګر الف شاه منګل مشال راډیو ته وايي، چې د برښنا نه شتون د خوست پرمختیا مخه نیولې ده، دلته پانګوال چې کارخانو لګولو کې پانګونه وکړي
د خوست یو شمېر ښوونکي وايي، چې دوی د استوګنې لپاره د کورونو ځای نه لري، معاشونه يې په ښار کې د ورځني نرخونو په پرتله لږ دي، د تدریس له پاره هم سالم چاپیریال نه لري او همدارنګه د دوی د ظرفیت لوړونې له پاره روزنیز پروګرامونه په نشت حساب دي.
په خوست کې یو شمېر وزیرستاني قومي مشران او مخور د میشتو وزیرستانيو کډوالو کورنیو له پاره د ژمنیو توکو د مرستو غوښتنه کوي.
افغان ولسمشر اشرف غني وايي، چې نه دده هېواد د کوم چا د جنګ میدان دی او نه به چاته د دې اجازه ورکړي، چې دده هېواد څخه د نیابتي جګړې ډګر جوړ کړي.
په خوست کې د تعلیمي او تحصیلي موسساتو مسوولین وايي، چې سږ کال د خوست د ښوونځیو فارغینو د لوړو زده کړو په موسسو او پوهنتونونو کې د شمولیت له پاره ښه تیاری نیولی او دوی هیله من دي، چې د کانکور د شاملینو یوه لویه برخه به د افغانستان بیلابیلو پوهنتونونو ته لاره پیدا کړي.
د خوست شیخ زاید پوهنتون چارواکي وايي، چې د سږني کال د کانکور ازموینې د پوره شفافیت له پاره يې تدابیر نیولي او دوی به هڅه وکړي، چې د کانکور په ازموینه کې د هر ډول درغلیو مخه ونیسي.
په خوست ولایت کې ډیری هغو ودانیزې پروژې او د بیارغونې کارونه ،چې په وروستیو کلونو کې ترسره شوي ،دخراب کیفیت له کبله ویجاړ او زیانمن شوي دي.
د خوست د ښاروالۍ ریاست چارواکي وايي، چې د ښار د پاک کارۍ د نوي بهیر وروسته د دې ښار په پاکولو کې جوت توپیر راغلی او د ښار کوڅې، سړکونه او جادې تر یوه بریده پاک شوي دي.
د لویې پکتیا د بیلابیلو قومونو او په ځانګړي ډول د ځدران میشتو سیمو د باروړونکو لاریو ډریوران، چې د جنوبي وزیرستان له واڼه څخه خوراکي او غیر خوراکي توکي واردوي، وايي چې وزیرستاني ډریوران د ترانسپورټ قوانین تر پښو لاندې کوي او دوی ته د مالونو په لیږد کې قانوني نوبت نه ورکوي.
نن د شنبې ورځې په سهار د خوست مرکز اړوند د منګسو په سیمه کې یو تن چې غوښتل يې ماین ځای پر ځای کړي، خپل ماین پسې چاودلی او لاس په لاس وژل شوی دی.
په لویه پکتیا کې د ځدارڼو قوم مشران او ځوانان وايي، چې افغان حکومت د ځدراڼو د سیمې د خلکو اړتیاوو او غوښتنو ته پاملرنه نه ده کړې.
په خوست کې یو شمېر معیوبین او د شهیدانو د کورنیو وارثین وايي، چې دوی ته د سیمه ییزې ادارې له خوا په هغه رهایشي پروژو کې چې د کورونو له پاره ویشل شوي، قانوني حقوق نه دي ورکړل شوي.
د نوي پروګرام موخه داده، چې په ۲۰۱۵ زیږدیز کال کې خوست د افغانستان تر ټولو ښارونو پاک او صفا ښار جوړ شي.
د خوست خلک او د مدني ټولنو فعالان په ټوله کې پاکستان ته د افغان ولسمشر اشرف غني وروستۍ دوه ورځنی سفر ګټور بولي او وايي، چې که چیرې د دواړو هېوادونو حکومتونه په خپلو کې پر شویو ژمنو او موافقو عمل وکړي نو دواړو لوریو ته به په اقتصادي او امنیتي لحاظ ګټه ورسیږي.
د خوست په اطرافو او لیرې پرتو سیمو او ولسوالیو په کلینکونو او روغتونونو کې په ځانګړې ډول د ښځینه ډاکټرانو او نرسانو لږوالي په ټوله کې د روغتیايي خدمتونو په وړاندې کولو کې ستونزې پیدا کړي او د یادو سیمو خلک د معیاري او اساسي درملنې څخه بې برخې دي.
د خوست یو شمېر سوداګرو، دوکاندارانو، قومي مشرانو او مدني فعالانو د افغان ولسمشر اشرف غني نه غوښتنه وکړه، چې پاکستان ته دې، د خپل سفر په اجنډاء کې په رسمي توګه د خوست د غلام خان بندر د ترانزیټ کېدو مسله شریکه کړي.
د پوهنې وزارت مسلکي او تخنیکي مرستیال محمداصف ننګ مشال راډیو ته وویل، چې د پوهنې وزارت پلان لري، تر څو په راتلونکې کال کې د خوست په ټولو ولسوالیو کې له یوې څخه تر دریو پورې مسلکي لیسې جوړې کړي.
نور وښیئ
