نجیب الله الوخېل په خوست کې د مشال راډیو خبریال دی او د خوست، پکتیا، پکتیکا او لوګر پر حالاتو رپورټونه جوړوي.
د پکتیکا د پوهنې رئیس په دې خوښي څرګندوي، چې دوی ته د اړوند وزارت له خوا په کافي اندازه کتابونه رسیدلي او دوی هم حتی لیرې پرتو ولسوالیو او په هغو کې ټولو ښوونځیو ته کتابونه ورکړي دي.
جواس خان خوستی د ازادۍ راډيو د ۱۳۹۳ م لمريز کال غوره شخصیت وټاکل شو. نوموړی د خوست ولایت د تڼیو ولسوالۍ د ورژلې د غرنۍ سیمې اوسیدونکی دی.
د خوست ښار په زړه د خواجه متون غونډۍ په اوږدو کۍ د نوروز یا نوي کال دورځې په رانږدې کېدو د میلو او ټنګ ټکور د محفلونو شمېر ډېر شوی دی.
د خوست ورزشکاران وايي، چې د نورو کالونو سره په توپیر کې، سږ به د نوي کال له پاره د بیلابیلو لوبو یو شمېر ټورنمینټونه په خوست کې جوړ شي.
د پکتیکا ولایتي شورا د ملي یووالي له حکومت نه غوښتنه کوي، چې خپل اختلافونه دې یوې خواته کړي او په دې هېواد کې دې د یو شمېر نویو امنیتي تهدیدونو د مخنیوي له پاره تیاری ونیسي.
په خوست کې یو شمېر هغه ځوانان، چې ټولنیزه میډیا په ځانګړي ډول فیسبوک کاروي او په خپلو کې يې له دې لارې سره اشنايي وه، اوس يې ملګرتیا طبعي او حقیقي ګرځیدلې ده، په خپلو کې يې سره موندلي او تر هغه زیات، چې په دې وروستیو کې دوی په ګډه یو شمېر ټولنیزو فعالیتونو ته مخه کړې ده.
په خوست کې د بشري حقونو د ترویج او عامه پوهاوي د پروګرامونو کارکوونکي وايي، چې رسنۍ باید له یوې خوا خلکو ته د عدالت غوښتنې فکر او پوهه ورکړي او بل لوري ته هغه مسئلې هم راپورته کړي، چې پکې د خلکو حقوق تر پښو لاندې کیږي.
په خوست کې د هغو فعالیتونو او بیلابیلو پروژو د پرمخبیولو له پاره، چې د ښځو په برخه کې فعالیت کوي، د داسو نجونو او ښځو اړتیا بیخي زیاته ده، چې دوی د انګلیسي ژبې، کمپیوټر او انټرنیټ د کارونې وړتیا ولري.
د پکتیا ولایت په مرکز ګردیز کې د ملي اردو د تندر ځواکونو له تعلیمي مرکز څخه شپږسوه تنه سرتیري تر فراغت وروسته څلورو ولایتونو ته، چې یاده قوا هلته سرتیري لري، د پوځي دندو د اجراء له پاره ولیږل شول.
په خوست کې د غلام خان بندر له پاره د ۳۹۰ میلیونه افغانیو په لګښت نوي تاسیسات یا ودانۍ جوړې او ګټې اخیستنې ته وسپارل شوې.
د خوست ښار ختیزه برخه کې د سبزیو او تازه میوې د خرڅولو یوه سیمه شته، چې دا مهال په کې سلګونه کسان کاروبار کوي، خو په باراني موسمونو کې يې ستونزه داوي، چې د ښار ټولې اوبه په همدې ځای ورځي او تر څنګ يې په دې ځای کې دومره خټې او ولاړې ناپاکې اوبه وي، چې حتا پلي کسان هم په کې په اسانۍ تګ او راتګ نه شي کولای.
د خوست د کرهڼې ریاست مسوولین وايي، چې سږ کال به په مرکز او ولسوالیو کې لسګونه زره نوي نیالګي کینوي.
په خوست کې د یو شمېر سیاسي ګوندونو او ټولنیزو سازمانونو غړي غوښتنه کوي، چې ولسي جرګې ته راروانې ټاکنې باید د قانون سره سمې په ټاکلي وخت ترسره شي.
خوستیانو له افغان حکومته وغوښتل، چې د طبعي افتونو او نورو ناڅاپي پيښو له کبله احتمالي زیانمنو سره دې مخکې له مخکې لازمو مرستو ته تیارۍ ولري.
د ښځو چارو رئیسې ډاکټرې ملالۍ ولي مشال راډیو ته وویل، چې دوی سره سږ کال د ښځو د ځانوژنې، ځانسوځونې او قتل پيښې نه دي ثبت شوي.
'سپورټ او ورزش د نشه يي توکو په کنټرول کې مهم نقش لوبوي، د المپیک د ځايي ادارې د رپوټ له مخې دوه زره کسانو د سپورټ له لارې د نشو نه راګرځیدلي دي'
په خوست کې یو شمېر کارپوهان او قومي مخور وايي، داسې ښکاري چې د افغانستان او سیمې د ستونزو د هوارۍ لپاره د سیمې او نړۍ د هېوادونو تر منځ همکاري ډېره شوې ده.
د پکتيا په ځاځي اريوب ولسوالۍ کې د دوو قبيلو ترمنځ جګړې کې ګڼ خلک هغه وخت ووژل شول چې د زمکې پر سر يې نښته وکړه. د ځايي خلکو په خبره سيمه کې جګړه لا هم دوام لري او مشران کوشش کوي
په خوست کې د میشتو وزیرستانیو کډوالو د دریو سترو قومونو وزیرو، داوړو او محسودو مشران وايي، چې دوی سره په خوراکي توکیو کې یوازې د اوړو، غوړیو او دالو مرسته بسنه نه کوي، بلکې کډوالو سره دې د بورې، چای، وریژو، مۍ، لوبیا او نورو توکيو مرستې هم وشي.
د خوست والي انديښنه لري که دا ستونزې دوام پیدا کړي، نو دوی به د بیارغونې پرځای په همدې مسلو بوخت پاتې شي
نور وښیئ
