نجیب الله الوخېل په خوست کې د مشال راډیو خبریال دی او د خوست، پکتیا، پکتیکا او لوګر پر حالاتو رپورټونه جوړوي.
د خوست روڼ اندي، د مدني ټولنو او ټولنیزو سازمانونو غړي د افغانستان روانو امنیتي، سیاسي او اقتصادي حالاتو ته په انديښنه کې دي او وايي، چې د ملي یووالي حکومت مشران باید د داخلي اختلافونو پر ځای ملي ګټو ته پام وکړي او د خلکو هیلو او غوښتنو ته ځواب ووايي.
په خوست کې د سولې په نوم د نومول شویو ولسوالیو چارواکي وايي، چې په اړوندو سیمو کې يې د خلکو په ژوند کې مثبت پرمختګونه رامنځته شويدي. بل لوري ته د چارو کتونکي وړاندیز کوي، چې یو شمیر نورې هغه ولسوالۍ هم باید د سولې د سیمو په نوم ونومول ش
د خوست فرهنګیان، لیکوال او مدني فعالان وايي، چې په پښتو ژبه ډېر لږ علمي او ټولنیز اثار چاپ شوي او له همدې کبله په علمي مرکزونو او پوهنتونو کې هغه اثار او کتابونه چې د اوسني وخت اړتیا او د خلکو غوښتنه ده نشته
د خوست لسګونو دیني عالمانو او قومي مشرانو د وسلوالو له لوري د افغانستان په بیلابیلو ولایتونو کې وروستي ترهګریز بریدونه چې د ګڼو ملکي خلکو د مرګ ژولې لامل شول وغندل او دا ډول بریدونه يې د اسلام له دین سره په ټکر کې وبلل.
د خوست موزیم چارواکي وايي، چې یاد موزیم مناسبه وداني نه لري او د دې موزیم ډیری لرغوني اثار د زیانمنولو له ګواښ سره مخامخ دي.
په خوست کې یو شمېر ښځینه مدني فعالانې وايي، که چیرې په دې ولایت کې د ښځو له پاره ځانګړې ښوونځي، روغتونونه، کارخانې، فابریکې او نادولتي موسسې جوړې شي، نو له یوې خوا به ښځو ته د کار کولو زمینې برابرې شي او بل لوري ته به د ښځو یوهلویه برخه له اقتصادي اړخه پر ځان بسیا شي.
د افغانستان په خوست ولایت کې د پنجشنبې پر ورځ د سعودي عربستان د یوې نړیوالې خیریه ټولنې له خوا د دې ولایت په ګلان کېمپ کې د وزیرستانیو کډوالو پر ۲۸۷۰ کورینو د خوراکي توکې مرستې وویشل شوې.
د خوست امنیتي چارواکي وايي، چې په دې وروستیو کې يې د یاد ولایت په بیلابیلو سیمو کې په اویا وو بیلابیلو قضیو کې د یوه اندازه نشه يي توکیو د نیولو تر څنګ ۷۱ تورن کسان هم نیولي او د قانون منګولو ته یې سپارلي دي.
د پکتیکا ولایت د عامې روغتیا ریاست چارواکي وايي، تر څو چې د یاد ولایت د ښرنې ښار ولایتي روغتون له شپیتو بسترو څخه دوه سوه بسترو ته پورته نه شي، نو د خلکو روغتیايي ستونزې به همدې توګه دوام پیدا کړي.
د پکتیکا ولایت چارواکي وايي، چې هغه سلګونو زده کوونکو ته يې په برمل او شکین ولسوالیو کې د زده کړو زمینه برابره کړه، چې تېر دیارلس کاله د زده کړو له پاره د پولې پورې غاړې ته تلل.
په خوست کې هغو معترضینو چې د یاد ولایت د سرپرست والي عبدالجبار نعیمي او ځینو نورو ځايي چارواکو پر ضد يې مدني حرکتونه او لاریونونه پیل کړي وو، تر لس ورځنیو پر له پسې اعتراضونو او لاریونونو وروسته یې د دوشنبې په ورځ خپلې خیمې ټولې کړې.
د خوست اوسیدونکي وايي، چې په یاد ولایت کې وروستۍ پيښې، چې له کبله يې ۲۲ تنه ملکي خلک مړه او تر شپیتو ډېر ټپیان شول، د فساد پر وړاندې د دوی د روانې مبارزې عزم نور هم غښتلی کړ.
د خوست سرپرست والي ویاند مبارز محمد ځدراڼ مشال راډیو ته وویل چې د دې پيښې په اړه يې امنیتي ارګانونو ته د جدي پلټنې امر کړی دی.
نن پنجشنبه د سهار په نيږدې لسو بجو په خوست ښار کې په لاريون کوونکو چاودنه وشوه، چې د لومړنيو مالوماتو له مخې په دې پېښه کې ۵۶ تنو ته مرګ ژوبله اوښتي ده.
د شنبې په ورځ په خوست کې سلګونو معترضینو د اداري کمپلیکس په سیمه کې له حکومتي ادارو او په ښار کې د سرپرست والي له کوره د اعتراض په بڼه خیمې راتاوې او د تګ راتګ لارې يې وتړلې.
خوست ته د مشال راډیو په نووښت راغلي ډاکټران وايي، که چیرې په افغانستان کې د درملنې له پاره ښه وسایل او پرمختللي طبي ټکنالوژي موجوده وي، نو ډیری بیماران، چې وروسته يې درملنه ستونزمنه کیږي، په اسانۍ تداوي کیدای شي.
د خېبر پښتو نخوا له پېښور ښار څخه د داخله او جراحي ناروغیو د ډاکټرانو یوه ډله خوست ته راغلې، تر څو د دې سیمې هغه شمېر ناروغانو درملنه وکړي، چې دوی پيښور ته د درملنې او تداوۍ له پاره د خپلو ناروغانو د بیولو اقتصادي توان نه لري او یا په لاره کې يې د تګ او راتګ ستونزې درلودې.
د داخله او عصبي ناروغیو په برخه کې د دې ډلې د ډاکټرانو مشري ډاکټر محمد عرفان الله او په جراحي څانګه کې سرجن ډاکټر شیرایوب خان وزیر کوي.
د پنجشنبې پر شپه خواوشاه نهه بجې د خوست ولایت د تریزیو لسوالۍ بابرک تاڼې ته نږدې د کوچیانو پر کورونو توغندي لګیدلي او ملکي کسانو ته يې مرګ زوبه اړولې ده.
د خوست ولایتي شورا، ولسي جرګې او د بیلابیلو مدني ټولنو او ټولنیزو سازمانونو یو شمېر غړو د یوې خبرې ناستې پرمهال د یاد ولایت ځايي اداره په ظلم او فساد تورنه کړه او د مرکزي حکومت او په خپله ولسمشر اشرف غني څخه يې غوښتنه وکړه، چې دا چارواکي دې له دندو ګوښه او د حساب له پاره دې عدلي او قضايي ادارو ته وروپيژني.
نور وښیئ
