فرهاد شینواری په خیبر کې د مشال راډیو خبریال دی او د هم هغې سیمې پر سیاسي، اقتصادي او ټولنیزو موضوعاتو خبریالي کوي.
د خېبر ايجنسۍ پولټيکل چارواکو مشال راډیو ته ويلي چې دروازه يې د امنيتي اندېښنو له کبله د لنډې مودې لپاره تړلې وه.
د خیبر په جمرود کې پولېټيکل انتظامیې د بیو یا نرخونو د کنټرول په موخه یوه کمېټي جوړه کړې چې غړي یې په دوکانونو ګرځي او په روژه کې دوکانداران د شیانو ګران خرڅلاو ته نه پرېږدي. د کمېټۍ غړي وايي، ولس دې ورسره مرسته وکړي او ورته دې ګرانفروشان په ګوته کړي. ویډیو وګورئ.
چارواکي وايي، دوه ورځې مخکې هم د ډېورنډ کرښې له هغې خو یو توغندی ویشتل شوی وو چې پکې یوه ښځه وژل شوې او یو ماشوم ژوبل شوی وو. افغان چارواکو او وسله والو لا پر دې موضوع څه نه دي ویلي.
په تورخم کې سختو شرطونو پاکستاني ډریوران اندېښمن کړي او وایي له دوی سره دې نرمي وکړل شي.
د خیبر ایجنسۍ په جمرود ښار باجوړ او د پېښور په پندو لوبغالیو کې د فاټا سوپر لیګ شل اوریزه کرکټ سیالیو لومړۍ مرحله دوام لري. په دې سیالیو کې د قبایلي سیمو ۲۴ ټیمونه برخه اخلي چې په څلورو ګروپونو کې وېشل شوي دي. هر ټیم به پینځه میچونه تر سره کوي. پایلوبه به یې د اپرېل په ۱۳مه نېټه وي. نور حال د
د دوشنبې پر ورځ د قبایلي سیمو سوپرلیګ په نوم د کرکټ سیالۍ پیل شوې چې پکې د ټولو سیمو کرکټ لوبډلې برخه اخلي. په دې سیالیو کې ۲۴ لوبډلې برخه اخلي. د لوبو د پیل غونډه په جمرود کې وشوه چې ورته ګڼ خلک ورغلي ول. ویډیو وګورئ.
د فاټا سوپر لیګ پرانستنې لپاره ګڼ قبایلي ځوانان، مشران او قبایلي پارلېماني استازي ورغلي دي،
د خیبر پولیټیکل اېجنټ د ((پېښور زلمي)) لوبډلې په ویاړ یوه غونډه کړې. دې لوبډلې په وروستیو کې د پاکستان سوپر لیګ د کرکټ اتلولي ګټلې وه. د لوبډلې منتظم او مشر جاوېد اپریدي په خپلو خبرو کې وویل، د ده موخه د ټولو پښتنو یو ځای کول او د ټولو اختلافاتو ختمول دي. تفصیل په ویډیو کې.
د تورخم لارې تړلو له کبله، ګڼ مال وړونکي ګاډي ولاړ دي او ډرېوران یې وايي، نه نورې پیسې لري، نه د اوسېدو ځای. دوی وايي، له ۲۵ ورځو پراته دي، جامې هم په ځان کې مینځي او مالونه یې ټول خراب شوي دي. افغان ډرېوران وايي، د دوی ګاډي دې تش کړل شي او دوی ته دې افغانستان ته د اوښتو اجازه ورکړل شي. ویډیو وګورئ.
په چمن کې د سوداګرانو ټولنې مشر انجینیېر دارو خان وايي، چې اوس هم په چمن او سپین بولدک کې د پولې دواړو غاړو ته په سلګونه موټران او کنټېنران ولاړ دي.
د خیبر انتظامي چارواکي وايي، د ګل یا دوشنبې پر ورځ هم د تورخم ور تړلی وو. د دوی په وینا، په لواړګي او شاوخوا سیمو کې له ۴۰۰ څخه زیات افغانان بند پاتې دي او غواړي چې خپل هېواد ته ستانه شي. د دوی لپاره هلته چنده هم غونډېږي او ورته د ډوډۍ بندوبست کېږي. تفصیل په ویډیو کې.
د تورخم، چمن او پر ډېورنډ کرښه د لارو تړلو ۱۱ ورځې پوره شوې. د دوشنبې یا ګل پر ورځ هم په لواړګي بازار او د تورخم پر لار ګڼ خلک ولاړ ول. امنیتي چارواکو له افغانانو غوښتنه کړې چې له پېښوره دې لواړګي یا تورخم لوري ته نه ورځي او کله چې لار پرانیستل شوه نو ورته به اطلاع ورکړي. ویډیو وګورئ.
د افغانستان او پاکستان ترمنځ تورخم او چمن لارې په لسمه ورځ هم بندې دي. دواړو خواوو ته ګڼ کسان ناست دي. د فرهاد شينواري په دې ويډيو کې تورخم ته پر لاره، په لواړګي کې لارې پرانيستو ته منتظر افغانان وينئ.
نن د جمعې په اتمه ورځ هم د تورخم دروزازه بنده ده او اوس پرې هغه ګڼه ګڼه نه شته لکه پخوا چې لیدل کېدله.
په خیبر کې موجود یوه افغان وګړي رحیم ګل مشال ریډيو ته وویل پیښور ته یې خپل یو ماشوم چې د پښتورګیو/ګردو مریض دی روغتون ته وړی وو او څلورمه ورځ ده چې ایسار دی.
بیان وايي، پوځ به د هېواد ساتنه کوي او د وروستیو بریدونو ((ځواب به ورکوي.)) د پوځ په بیان کې د پوځ مشر جنرال قمر جاوېد باجوه له خولې ویل شوي، ((د خلکو د توی کړل شوې وینې به سمدستي بدل اخلي.))
د جمرود کالج زده کوونکو د سکالرشېپ (وظیفي یا بورس) د پیسو بیا بحالولو لپاره احتجاجي مظاهره کړې ده. د ګل یا دوشنبې پر ورځ په دې مظاهره کې زده کوونکو وویل، انتظامیې له دوو کلونو راهیسې په دوی د سکالرشېپ پیسې بندې کړې دي. ویډیو وګورئ.
په قبایلي او نیمه قبایلي سیمو کې د ګوزڼ ناروغۍ واکسیني کیمپېن پیل شوی دی. چارواکي وايي، دا کیمپېن به د فبرورۍ تر ۱۵مې روان وي او دا چې ټول خلک دې خپلو تر پینځو کلونو پورې ماشومانو ته د پولیو مخنیوي څاڅکي ورکړي. تفصیل په دې رپورټ کې.
د خیبر ایجنسې خلک وایي: ”په اجتماعي ذمه واریو کې څومره خلک نیول شوي دي هغه دې زر تر زره خوشي کړل شي، او د دوی له بې ځایه ځورولو دې ډډه وکړل شي.“
نور وښیئ
