غلام غوث په پېښور کې د مشال راډیو خبریال دی چې د خیبر پښتونخوا پر بېلابېلو سیاسي، امنیتي او ټولنیزو چارو رپورټونه جوړوي.
د پېښور په ابدره کې د نارجسټر شویو افغانانو نوملیکنه روانه ده. دا بهیر د جولای له ۲۰مې راهیسې په اسلام اباد او پېښور کې روان دی خو چارواکي وايي، د اګست له ۱۶مې به په ټول هېواد کې د رجسټرېشن بهیر پیل شي. غلام غوث معلومات راکوي.
په پېښور کې د امريکا کونسلګري وايي، داسې سامان و الات پخوا هم پاکستان ته ورکړل شوي چې د ۱۲۸ ملينه ډالر مرستو برخه ده.
د وزيراعلی له دفتره خپور شوی بيان وايي، د سېشنبې مازيګر پرويز خټک د بټګرام او کوهستان ضلعو د مشرانو له جرګې سره وليدل او دا خبره يې وکړه.
د امریکا په مالي مرسته د ایف سي ځواک - فرنټیر کانسټبلري – لپاره جوړه شوې ودانۍ په یو دستوره پرانستل شوه.
د قبایلي سیمو د زده کوونکو تنظیم ښځینه څانګه وايي ، د جولایي پر ۱۹مه به پېښور کې د ګورنر د کور مخې ته په احتجاجي ناسته کې ګډون کوي.
تر اختر وروسته ګڼ خلک د دیر کمراټ ته چکر ته ځي. هلته د کالج یو لېکچرر ابرار احمد رباب غږوي او له خپلو ملګرو سره ساعت تېری کوي. په عین وخت کې ځېنو کسانو ګیله کړې چې په کمراټ کې ځېنې خلک د موسیقۍ د محفلونو اجازه نه ورکوي خو انتظامیه له داسې پېښو څخه بې خبري ښيي. ویډیو وګورئ.
د پېښور خلکو د یکشنبې په ورځ اختر وکړ. د مشال خبریال د اختر په شپه د پېښور په بازارونو کې ګرځېدلی او د اختر په اړه یې د خلکو سره خبرې کړې دي. د نوموړي ښار اوسیدونکي وايي، دوی ځکه د یکشنبې په ورځ اختر وکړ چې ګڼو خلکو د اختر میاشت لیدلې وه. نور حال په دې ویډیويي راپور کې چې غلام غوث جوړ کړی دی.
د خېبر پښتونخوا د ټېکسټايل يا کپړو تاجرانو ګواښ کړی چې که يې غوښتنې و نه منل شوې نو له وړوکي اختر وروسته به احتجاج پېلوي.
سیکان او هندوان په پېښور کې د خپلو مړیو سوځولو لپاره شمشان ګاټ نه لري او اړ دي چې خپل مړي نېږدې ۷۰ کیلومیټره لیرې اټک پله ته نېږدې شمشان ته یوسي. د مشال راډیو خبریال غلام غوث د دوی پر دغه ستونزه ځانګړی ویډيو راپور کښلی او د هغوی له یوې جنازې سره تر اټک پله تللی دی.
په پېښور کې یو شمېر ښځینه او نرینه فعالانو د کابل د وروستي برید پر ضد احتجاجي مظاهره کړې ده او د چارشنبې په برید کې یې د وژل شویو په یاد شمې بلې کړې. د شنبې یا خالي پر ماښام په دې احتجاج کې ګډونوالو وویل، د افغانستان وروستي بریدونه د افغانانو او پښتنو توکم وژنه ده. ویډیو وګورئ.
مظاهرچيانو د حقاني شبکې پرضد، د افغانستان په اړه د پاکستان د تګلارو، د وسله والو د پټن ځايونو ختمولو په اړه شعارونه ورکړل.
پېښور پریس کلب کي د ګل په ورځ د نرښځیانو اتحادیې او د مدني ټولنو فعالانود سوات پولیسو د هغه نوټس غندنه کړې چې د اپرېل په اوولسمه نېټه یې غیر سواتیو نرښځیانو ته وتو ویلي ول.
په پاکستان کې د افغانستان سفیر ډاکټر عمر زاخېلوال له مشال راډيو سره په ځانګړې مرکه کې وايي هېواد یې پر ډیورنډ کرښه د ازغن تار لګولو مخالف دی او نه له دې سره سوله راتلی شي بلکې دا به د دواړو هېوادونو پر اړیکو هم بد- اغېز ولري. له نوموړي سره په پېښور کې د مشال راډیو خبریال غلام غوث د ګل په ورځ
د کعبې امام شیخ صالح بن محمد بن ابراهیم وویل چې د اسلام د غلط تشریح له وجې تره ګري خورېږي خو هغه وویل اسلام د ترهګرۍ، تشدد او ګډوډۍ درس نه ورکوي
په نوښار کې د جمیعت علمای اسلام (ف) اجتماع ته په وینا کې د کعبې امام شیخ صالح بن محمد بن ابراهیم ویلي، ځېنې خلک د اسلام په ناسمې تشریح کولو ترهګرۍ ته جواز پیدا کوي خو په اسلام کې د ترهګرۍ هېڅ ځای نشته. د ده د وینا برخه په ویډیو کې وګورئ.
پېښور: دخېبر پښتونخوا پوهنتونونو استادانو د صوبې د نهه وایس چانسلرانو د ګمارلو په بهیر سختې نیوکې کړي دي.
د پاکستان وزیراعظم نواز شریف د دوشنبې پر ورځ د ډېورنډ پر کرښه د لارو خلاصولو امر وکړ. خو له تېرې شاوخوا یوې میاشت راهیسې ګڼ مال وړونکي ګاډي په بېلا بېلو ځایونو کې ولاړ دي او ډرېورانو یې لارۍ له مالونو خالي کړې دي. دوی وايي، مالونه یې خرابېږي نو ځکه یې سټورونو ته وړي. ویډیويي رپورټ وګورئ.
د شمالي وزیر ستان سره تعلق لرونکې زهره سید وايي دوی جرګه سیسټم نه مني او نه یې غواړي. د دې په خبره جرګو تل مېرمني او نجونه ځورولې دي.
د سازمان مشرې فرزانه مشال راډیو سره د خبرو پر مهال تور پورې کړ چې تېره اوونۍ په رياض کې پوليسو پر نرښځيانو تشدد کړی او ۳۵ يې نيولي وو.
په پېښور کې د قبایلي سیمو اصلاحاتو لپاره د جماعت اسلامي درې ورځنۍ احتجاجي ناسته، تر وخت مخکې، پر لومړۍ ورځ پای ته ورسېده. د ګورنر هاوس مخې ته دا ناسته ځکه ختمه کړل شوه چې ورته چارواکو ډاډ ورکړ چې د وفاقي کابینې په راتلونکې غونډه کې به د قبایلو پر اصلاحاتو خبرې کېږي. تفصیل په دې رپورټ کې.
نور وښیئ
