عمران یونس په اسلام اباد کې د مشال راډیو همکار دی چې پر بېلابېلو موضوعاتو ویډیوګانې جوړوي چې د مشال راډیو خبریالان بیا ورڅخه راپورونه تیاروي.
د کورمې یوشمېر اوسېدونکو، چې پکې ماشومان هم شامل ول، په اسلام اباد کې مظاهره کړې ده او له حکومته یې په هغه ضلع کې د امنیت غوښتنه کړې ده. د جنورۍ ۱۴مې د مظاهرې ګډونوالو په وروستیو کې په کورمه کې پر مساپر وړونکو ګاډو د وسلوالو حملو غندنه وکړه. ویډیويي رپورټ.
د خیبر پښتونخوا د ملاکنډ د تاڼې اوسېدونکی بلال خان له شاوخوا شپږو کلونو راهیسې په اسلام اباد کې د اهنګ کده په نوم د رباب د زده کړو مرکز چلوي. دی وايي، په اسلام اباد کې ډېری ځوانانو د رباب او موسیقۍ زده کړو ته مخه کړې ده. ویډیويي رپورټ.
د بلوڅ یکجهتي کمېټۍ په وینا لسګونه بلوڅانو د ډېسېمبر پر ۲۳مه د ماورای عدالت وژنو او جبري بې درکیو پرضد د اسلام اباد د خبریالانو مرکز مخې ته پرلت وهلی دی. دوی حکومت ته درې ورځې وخت ورکړی دی چې نیولي مظاهرچیان دې خوشې کړي. د اسلام اباد پرلت په اړه ویډیويي رپورټ وګورئ.
د اسلام اباد پولیسو د ماورای عدالت وژنو او بې درکیو پرضد یوشمېر بلوڅ لاریونوال نیولي دي احتجاجیان چې د ډېسېمبر پر ۲۰مه اسلام اباد ته داخل شول نو پولیسو یې مخه ونیوله او بیا یې د خبریالانو مرکز مخې ته د هغوی احتجاجي کیمپ ړنګ کړ. د بلوڅانو لاریون په اړه ویډیويي رپورټ وګورئ.
د پېښور په ارمي پبلک سکول کې د وژل شویو زده کوونکو ميندو پلرونو او فعالانو د هغوی نهم تلین لمانځلی دی. دوی د پېښور د ارشیفونو تالار (ارکایېفز هال) او په اسلام اباد کې د وژل شویو په یاد کې غونډې وکړې او شمعې يې بلې کړې. د برید ذمه واري تحریک طالبان پاکستان منلې وه. ویډیویي راپور.
پښتون ژغورنې غورځنګ (پي ټي اېم) د خپل مشر منظور پشتین د نیولو پر ضد د ډېسېمبر پرپينځمه د پېښور، کوټې او اسلام اباد په ګډون د پاکستان په يوشمېر ښارونو کې احتجاجونه وکړل او له حکومته یې وغوښتل چې منظور پشتین دې ژر تر ژره خوشې کړي.
د پاکستان تر واک لاندې د ګلګت بلتستان د هنزې د ښځو فوټبال يوه لوبډله اسلام اباد ته په سياليوکې د ګډون لپاره تللې ده. د شمس په نوم د هنزې د يو فوټبال کلب لوبغاړو په وينا د دې دورې هدف د نجونو لوبو ته وده ورکول دی. ويډيو رپورټ.
په اسلام اباد کې د کلتورونو د ودې لپاره ۱۰ ورځنۍ مېله د نومبر پر ۱۳مه پای ته ورسېده. په مېله کې د خیبر پښتونخوا په ګډون د پاکستان له بېلا بېلو برخو څخه کلتوري توکي نندارې ته وړاندې شول. دا مېله هر کال کېږي چې زرګونه کسان د کلتوري شیانو اخیستو ته ورځي. تفصیل په ویډیو کې.
انځورګر او خطاط رفعت خټک وايي چې د خپل کلي "شيدو" ديوالونه او د کابل سيند غاړه د ده لومړی کينوس و. د اطلاعاتو محکمې نه له تقاعد اخيستو وروسته رفعت خټک د اسلام اباد په پارکونو، شاوخوا کلو او د مارګلې په غرونو کې ګرځي او چې کومه منظره يې خوښه شي
له پاکستان د افغان کډوالو د ایستلو د طریقه کار پر ضد پښتونخوا ملي عوامي ګوند د نومبر پر دریمه په اسلام اباد کې احتجاجي مظاهره کړې ده.
د غیرقانوني کډوالو د نيولو دوام
د پاکستان د بېلابېلو دولتي پوهنتونونو په سلګونو استادانو په اسلام اباد کې د لوړو زده کړو د کمېشن (هایر اېجوکېشن کمېشن) دفتر مخې ته مظاهره کړې ده. د اکتوبر ۳۱مې د مظاهرې ګډونوالو له کمېشنه د دندو او خدماتو د جوړښت او د ترقۍ پالیسۍ عملي کولو غوښتنه وکړه. ویډیويي رپورټ.
اسلام اباد های کورټ په ایونفیلډ اپارټمېنټس او العزیزیه سټيل ملز مقدمو کې د پاکستان د پخواني وزيراعظم نواز شريف ضمانت د اکتوبر تر ۲۶مې منظور کړی دی. بل خوا د توشه خانې په مقدمه کې احتساب عدالت هم د نوموړي ضمانت منظور کړ او د هغې مقدمې اورېدنه یې د نومبر تر ۲۰مې وځنډوله.
په اسلام اباد کې د لوبو حق (رایټ ټو پلې) په نوم یو سازمان د نجونو د والیبال د سیالیو تابیا کړې ده. هغه سازمان وايي، د دې سیالیو موخه د نجونو لوبو ته وده ورکول دي. ویډیويي رپورټ.
په اسلام اباد کې د ګرو اپ ټېکنالوجۍ په نوم د ځوانانو یوې ډلې، چې پکې پښتانه هم شامل دي، د ویډیويي لوبو داسې اپلیکېشن (ایپ) جوړ کړی دی چې د بدن د حرکت په اشارو کار کوي. ویډیويي رپورټ.
په اسلام اباد کې د افغان کډوالو چارو مشر کمېشنر عباس خان وايي چې د پاکستان لنډمهالی حکومت یوازې هغه افغانان هېواد ته ستنوي چې قانوني اسناد نه لري. نوموړي د اکتوبر پر څلورمه له مشال راډيو سره په مرکه کې وویل چې په ۲۰۲۱ز کال کې پر افغانستان د طالبانو له واکمنېدو راهیسې پاکستان ته څه باندې اووه لکه
په پاکستان کې د اګست ۳۰مې نيټه د لادرکه کسانو د نړيوالې ورځې په مناسبت مظاهرې شوې دي. په کراچۍ او اسلام اباد کې شویو دغو مظاهرو کې د لادرکه کسانو کورنیو د خپلو خپلوانو د موندلو او خوشې کولو غوښتنه کړې ده.
پښتون ژغورنې غورځنګ د اګست پر ۱۸مه په اسلام اباد کې په جي ټي روډ د امن لپاره جلسه کړې. تر دې وړاندې غورځنګ د سپریم کورټ ودانۍ مخې ته د جلسې اعلان کړی وو خو د اسلام اباد پولیسو ورته په هغه ځای کې د جلسې اجازه ورنه کړه. جلسې ته د غورځنګ مشر منظور پښتین او نورو مشرانو ویناوې وکړې. تفصیل په ویډیو کې.
د اګست پر پينځمه د پاکستان د پخواني وزيراعظم او تحريک انصاف ګوند د مشر عمران خان د ګرفتارۍ پر ضد د خيبر پښتونخوا په ځينو ضلعو کې وړې وړې احتجاجي مظاهرې شوې دي. په پېښور کې هم د تحريک انصاف ځينې پلويان احتجاج ته وتلي ول چې پوليسو يې ځينې ګرفتاره کړل.
د سويډن په پلازمېنه ستاکهولم کې د قران مجيد د بې حرمتۍ خلاف د جولای پر اوومه د پاکستان په بېلا بېلو ښارونو کې احتجاجي مظاهري وشوې. مظاهرچيانو له حکومته له سويډن سره د سفارتي اړیکو ختمولو غوښتنه وکړه. تفصیل په ویډیو کې
نور وښیئ
