طاهر خان په اسلام اباد کې د مشال راډیو خبریال دی چې د پاکستان او افغانستان پر سیاسي او امنیتي چارو رپورټونه جوړوي.
په اسلام اباد کې مېشت افغانان وايي هېواد ته ستنېدو ته تیار دي، خو حکومت دې ورته مهلت ورکړي چې ټولې کاروباري چارې بشپړې کړي. د پاکستان حکومت وايي، د بې اسناده او تابعیت کارډ لرونکو ایستلو ته ژمن دی. حکومت د اپرېل په لومړۍ اونۍ کې د هغو ایستل پیل کړل. موږ په اسلام اباد کې له افغانانو سره خبرې کړې دي.
ای اېس پي ار په خپل بیان کې هغه کسان "خوارج" بللي. پوځ دا اصطلاح اکثر تحریک طالبان پاکستان (ټي ټي پي) ته کاروي خو دا روښانه نه ده چې وژل شوي کسان د کومې ډلې غړي ول.
په اسلام اباد کې د افغان کډوالو ټولنې مشر وايي، پاکستان د افغان تابعیت یا سېټېزن کارډ لرونکو ته هېواد ته د ستنېدو لپاره خورا کم وخت ورکړ او د مارچ په پای کې د مهلت له ختمېدو سره سم پولیسو ګڼ افغانان نیولي. د افغان کډوالو د ټولنې له مشر سره بشپړه ویډیويي مرکه وګورئ.
د کډوالو یو مشر او د کراچۍ د سهراب ګوټ اوسېدونکي سید مصطفا مشال راډیو ته وویل، له تېرو شاوخوا ۴۰ کلونو راهیسې په پاکستان کې اوسي او هلته یې رشتې کړې دي او کاروبارونه لري.
د وزارت ویاند شفقت علي خان د مارچ پر ۲۷مه په اسلام اباد کې د اونیزې خبري غونډې پر مهال د مشال راډیو د پوښتنې په ځواب کې وویل چې په پاکستان کې د افغانانو د پاتې کېدو موده نه ده غځول شوې او د پاکستان حکومت یې هېواد ته ستنولو ته ژمن دی.
د پوځ د عامه اړیکو دفتر (ای اېس پي ار) د مارچ پر ۲۳مه په بیان کې ویلي چې وسلوالو د مارچ ۲۲مې او ۲۳مې ترمینځ شپې مهال پر ډېورنډ کرښه له افغانستانه د شمالي وزیرستان غلام خان کلي ته د اوښتو هڅه کوله چې امنیتي ځواکونو یې مخه ونیوله.
د طالبانو د حکومت د بهرنیو چارو د وزارت ویاند حافظ ضیا احمد پر خپل اېکس ایکاونټ کې لیکلي دي چې دواړو مشرانو د مارچ پر ۲۲مه په ترسره شوې دې لیدنه کې په دوه اړخیزو معاملاتو ګټورې خبرې کړې دي.
له پاکستانه د بلوچستان د بېلتون لپاره جنګېدونکې دې ډلې د مارچ پر ۱۴مه ناوخته په یو بیان کې وویل، د پاکستان دا امنیتي کسان یې ځکه وژلي دي چې د دوی په وینا، پاکستاني ریاست ته یې د بندیانو تبادلې لپاره ورکړی وخت ختم شو خو پاکستان ورباندې عمل ونه کړ.
د پاکستان تحریک انصاف د خیبر پښتونخوا مشر جنېد اکبر وايي، دا يوه پوښتنه ده چې که د ترهګرۍ مرکزونه په افغانستان کې وي نو افغانستان خو له نورو هیوادونو سره هم پولې لري، هغوی هلته ولې نه ځي؟
شفقت علي خان دا څرګندونې پر داسې مهال کړې دي چې د مارچ پر پینځمه هم په تورخم کې د پاکستان او د طالبانو د حکومتي سرتېرو ترمینځ تازه نښته وشوه چې پکې دوه افغان خبریالان او د پاکستان یو ولسي وګړی ژوبل شول.
پر پوځي چاوڼۍ د بريد مسوليت د "جيش الفرسان محمد" په نوم يوې وسلوالې ډلې منلی دی. پوځ په بیان کې د استخباراتي معلوماتو پر اساس تور پورې کړی دی چې په برید کې "افغان وګړي" هم "شامل" ول او دا چې حمله "په افغانستان" کې د "خوارجو" مشرانو "پلان کړې" وه.
په تورخم کې یو پاکستاني امنیتي چارواکي، له رسنیو سره د خبرو اجازې نه لرلو له وجې، د نوم نه ښوولو په شرط مشال راډیو ته وویل چې د مارچ پر دویمه د پاکستان د امنیتي او د طالبانو د حکومتي چارواکو ترمینځ غونډه د سهار له ۱۰ بجو راهیسې روانه وه چې ماسپښین مهال بې نتیجې پای ته ورسېده.
د خیبر پښتونخوا د پولیسو مشر ذوالفقار حمید جیو نیوز ټېلېوېژن او نورو رسنیو ته وویل چې له "لومړنیو پلټنو ښکاري" چې دا یو "ځانمرګی برید" وو خو پولیسو د پېښې په ځای کې پلټنې پیل کړې دي.
هغه لاره د اګست پر ۱۲مه د تورخم په غوړکي کې د پاکستان او د طالبانو د حکومتي سرتېرو ترمینځ د ډزو له وجې تړل شوې وه. تر هغې یوه ورځ وروسته چارواکو مشال راډیو ته ویلي ول چې لاره پرانیستل شوې، خو د پاکستان امنیتي ځواکونو چا ته د تګ اجازه نه ورکوله.
سفارت د فبرورۍ پر ۱۹مه پر اېکس (پخواني ټوېټر) په خبرپاڼه کې ویلي دي چې له دې پرېکړې یوازې هغه افغانان مستثنا دي چې د پاکستان قانوني ویزه لري، خو د افغان تابعیت یا سېټېزن او د ملګرو ملتونو د کډوالو ادارې د مهاجرت یا پي او ار کارډونو لرونکي د اخراجېدونکو په ډله کې شامل دي.
د فبرورۍ پر ۱۴مه د پاکستان بهرنیو چارو دفتر ویاند شفقت علي خان په اسلاماباد کې اونیزې خبري غونډې ته وویل چې دا ډول اقدامات په سیمه کې د ځواک توازن ګډوډولی شي او د امنیتي وضعیت د خرابېدو لامل کېدلی شي.
د پاکستان د بهرنيو چارو وزارت د خبرپاڼې په خپرولو ویلي دي چې شهباز شريف او ولسمشر اصف علي زرداري د اردغان د هرکلي لپاره هوايي ميدان ته ورغلي ول.
په افغانستان کې د قامونو د شورا مشر غازي نواز تڼي سره په افغانستان کې د جرګو او د شوراګانو د ارزښت ، د نجونو د تعليم او د پاکستان او افغانستان تر مينځ د اړیکو په اړه په اسلام اباد کې د مشال راډیو خبریال طاهر خان مرکه کړې ده.
نور وښیئ
