ایوب ترین په کوټه کې د مشال راډیو خبریال دی چې د بلوچستان د پښتون مېشتو سیمو ترڅنګ د هغې صوبې پر سیاسي، امنیتي او ټولنیزو چارو رپورټونه جوړوي.
د مزدورانو او کارګرانو د ملي ټولنې (نیشنل لېبر فیډرېشن) ضلعي مشر امیر خان د مارچ پر ۲۶مه، مشال راډیو ته وویل چې که هغه مزدوران خوشې نه شول نو د احتجاج په توګه د کویلې (سکرو) کانکیندنه دروي.
د پاکستاني پوځ ادعا کړې چې بېګاه د وسله والو لخوا د بحري ځواک پر پي اېن اېس صديق مرکز بريد يې ناکامه کړی دی.پوځ په خپل بيان کې وايي چې څلور واړه بريدګر وژل شوي دي او عمليات پای ته رسېدلي دي.
په کوټه کې د کويلې د کان کیندونکو د ساتنې لپاره د سرکاري ادارې مشر عبدالغني شاهواني د مارچ پر ۲۰مه مشال راډيو ته وويل چې مزدوران د مارچ پر ۱۹مه تر روژه ماتي وروسته د هرنايي د ښارګې یا شاهرګې د زردالو په غرونو کې په کار بوخت ول چې چاودنه وشوه.
د بلوچستان وکیلانو د مارچ پر اوومه د های کورټ په ودانۍ کې د نعیم اختر افغان د مخه ښې لپاره غونډه وکړه چې ورته د وکیلانو مشرانو، د های کورټ نوي مشر او رخصتېدونکي قاضي ویناوې وکړې.
د پاکستان تحریک انصاف ملاتړ لرونکي سني اتحاد کونسل د راتلونکي ولسمشرۍ انتخاباتو لپاره د پښتونخوا ملي عوامي ګوند مشر محمود خان اڅکزی خپل نوماند ټاکلی دی.
وزيراعظم شريف ته د معلوماتو ورکولو پر وخت د ګوادر ډېپټي کمېشنر اورنګزېب باديني وويل چې د ورښتونو او سېلابونو له امله په ګوادر کې ۳،۱۰۰ کورونه، په جيونۍ کې ۱۲۵ کورونه او په پسني کې ۲۵ کورونه اغېزمن شوی دي.
د کاربنديز اعلان د پښتونخوا ملي عوامي ګوند د بلوچستان صوبې مشر عبدالقهار ودان د مارچ پر څلورمه په کوټه کې د محمود خان اڅکزي پر کور د چاپې پرضد راوتلو احتجاج کوونکو ته وکړ او زياته يې کړه چې هغوی به د مارچ له پينځمې د احتجاج لړۍ پراخوي.
د بلوچستان د وکیلانو ټولنې په غوښتنه وکیلان هم احتجاجاً د مارچ پر څلورمه د کوټې په ګډون د صوبې په نورو برخو کې عدالتونو ته حاضر نه شول او له کاروایۍ یې پرېکون (بایکاټ) وکړ. د پیپلز ګوند مشر بلاول بوټو زرداري او د بلوچستان نیشنل پارټۍ (مېنګل) مشر سردار اختر جان مېنګل چاپې غندلې دي.
د بلوچستان د اسمبلۍ د غړو شمېر ۶۵ دی چې ورڅخه یې ۵۱ د مستقیمو انتخاباتو له لارې ټاکل کېږي او پکې ۱۱ د ښځو او درې د مذهبي لږکیو ځانګړې څوکۍ دي.
د فبرورۍ پر ۱۷مه د پښتونخوا ملي عوامي ګوند مشر محمود خان اڅکزي، د بلوچستان نيشنل ګوند مشر سردار اختر جان مېنګل، د نيشنل ګوند مشر ډاکټر عبدالمالک بلوڅ او د هزاره جمهوري ګوند مشر عبدالخالق هزاره پرلتوالو ته ويناوې وکړې.
په چمن کې ګڼو خلکو د ۲۰۲۳ز اکتوبر پر ۲۱مه تر هغې وروسته احتجاجي ناسته پیل کړه چې د پاکستان لنډمهالي حکومت وویل چې د نومبر له لومړۍ نېټې څخه له افغانستان سره پر ټولو لارو د تګ راتګ لپاره د پاسپورټ او ویزې لرل لازمي کوي.
د بلوچستان د اطلاعاتو نګران وزیر جان اڅکزي د فبرورۍ پر ۲۰مه رسنيو ته په لېږل شوی بيان کې زياته کړې چې هغه پرلتوال يې د فبرورۍ پر ۱۹مه د پاسپورټ دفتر تړلو په تور نيولي ول، خو نوموړي يې شمېر ياد نه کړ.
دا په داسې حال کې ده چې د هغه ګوند یو مخکښ بیرسټر محمد علي سیف د فبرورۍ پر ۱۶مه په اسلام اباد کې خبریالانو ته وویل چې ګوند یې په وفاق او پنجاب صوبه کې پر حکومت مخالفه څوکیو د کېناستلو پرېکړه کړې ده.
له هغو څلورو ګوندونو پرته هم په بلوچستان کې د انتخاباتي نتیجو بدلېدو پرضد تازه احتجاجونه شوي دي. د عوامي نیشنل ګوند غړو او پلویانو په چمن کې پرلت وهلی دی او د کوټې او چمن ترمینځ یې لویه لاره تړلې ده.
د فبرورۍ پر اوومه د بلوچستان په پښتون مېشته سیمو پښین او کلا سیف الله کې په چاودنو کې تر ۲۰ زیات کسان ووژل او تر ۳۰ زیات ژوبل شول. چارواکي وايي، چاودنې د دوو انتخاباتي نوماندانو له دفترونو سره نېږدې شوې دي.
په وروستیو کې د بلوچستان په بېلابېلو برخو کې د ناامنۍ پېښې شوې دي. د پاکستان د حکومت د لوړپوړو چارواکو په غونډه کې د امنیت په اړه بحث شوی وو او چارواکو ویلي ول چې انتخابات نه غځوي او د فبرورۍ پر اتمه یې پر ټاکلې نېټه کوي.
د اطلاعاتو نګران وزیر جان اڅکزي د فبرورۍ پر څلورمه مشال راډیو ته وویل چې د ولس د سر ساتنه مهمه ده او په انتخاباتو کې امنیت ورکول د حکومت ذمه واري ده.
نور وښیئ
