احمد میلاد نسیمي په پراګ کې د مشال راډیو د سټوډیو تخنیکي چارې پر مخ وړي او وخت په وخت ویډیوګانې هم اېډېټ کوي.
په افغانستان کې د ملګرو ملتونو دفتر وايي، د روان کال تر پایه پورې د افغانستان د زلزله ځپلو سره د مرستو لړی جاري ساتلو او د بيا رغونې د کارونو سر ته رسولو لپاره ۱۴۰ مېلیونو ډالرو ته اړتيا ده.
د افغانستان په مرکز کابل کې یوشمېر خلک د څښلو پاکو اوبو د ترلاسه کولو لپاره په ساعتونو په قطارونو کې انتظار کوي. ملګري ملتونه وايي چې په هغه هېواد کې جنګونو، اقتصادي ستونزو، بارانونو او د ورښتونو کموالي ۲۴ ميليونه خلک اغیزمن کړي دي چې د افغانستان د ټولې ابادی ۶۰ فیصده جوړېږي.
په پاکستان کې د روغتیا چارواکي وايي چې په ښځو کې د رحم د سرطان لامل کېدونکی د اېچ پي وي په نوم د وايرس د مخنيوي د واکسينو ضد پر پروپاګنډ يې د قابو موندلو لپاره د پوهاوي يو اغېزناکه کمپاين کړی دی. دوی وايي چې په دې هېواد کې له وايرسه هر کال په زرګونه ښځې مړې کېږي.
د اسلام اباد عدالت يو تن د ثنا يوسف په وژنه رسمي تورن کړی دی. د ثنا یوسف پلار وايي تمه لري چې د لور په وژنه یې تورن تن عمر حيات ته به سزا ورکړل شي.
روسيې او اوکراین د یو بل په مهمو ځایونو په داسې وخت ډرون او میزایلي بریدونه ترسره کړي دي چې د امریکا په نیویارک کې د ملګرو ملتونو کلنۍ غونډه روانه ده او د ملګرو ملتونو مشر انتونیو ګوتېرېش د اوکراین او روسیې د جنګ د خپرېدو وېره څرګنده کړې ده.
اېمانوېل مکرون د نیویارک له یو سړکه په داسې وخت کې خپل امریکايي سیال ډانلډ ټرمپ ته زنګ وواهه چې پولیسو په دې سبب ودراوه چې هم په هغه وخت له هغه ځایه د ولسمشر ټرمپ د قافلې تیرېدو لپاره امنیتي انتظامات نیول شوي وو. نور حال د نړیوالو اژانسونو له وېډیو ګانو جوړ په دې راپور کې.
په افغانستان کې د طالبانو حکومت په لږ تر لږه ۱۰ ولایتونو کې پر انټرنېټ بندېز لګولی دی. یو شمېر خلک وايي د چټک انټرنېټ په مټ یې د ژوند ډېری کارونه پر مخ روان دي او پرې بندیز لګول، د هغوی ژوند اغېزمنوي.
په دوبۍ هوايي ډګر کې د مساپرو د اسانۍ لپاره له نویو تخنیکونو کار اخیستل پیل شوي. اوس مساپر اړ نه دي چې په اوږدو قطارونو کې ودرېږي. دا سیسټم د بایومیټرک یا د ګوتو د نخښو په ذریعه د مساپرو معلومات لولي. د رویټرز اژانس له وېډیو جوړ راپور وګورئ.
باربرا او د هغې خاوند پیټر چې له تېرو اتو میاشتو راهیسې په افغانستان کې د طالبانو په بند کې ول، د سېپټېمبر پر ۱۹مه له زندانه خوشې کړل شول. د طالبانو په وینا دغه جوړه د افغانستان له قوانینو د سرغړونو په تور نیول شوي وه. د نړیوالو اژانسونو له وېډیوګانو جوړ راپور وګورئ.
په داسې حال کې چې په افغانستان کې طالبانو پر مېرمنو د زده کړو او کار بندیزونه لګولي، هلته په کابل کې ۲۰ د ښکلا د جراحۍ مرکزونه فعاله دي.
په افغانستان کې د ملګرو ملتونو د سرمنشي استازې او د یوناما مشرې روزا اوتنبایوا د افغانستان د زلزله ځپلو سیمو ليدنه کړې او پر دې مهال يې د ځپل شویو کسانو زړورتیا ستایلې ده. هغې ځپل شویو کسانو ته د مرستو په رسولو کې د ښځو پر حیاتي رول ټینګار کړی دی.
په کابل کې د سایکل ځغلونې د ملي فدراسیون لخوا په دغه ښار کې د لسګونو سایکل چلوونکو ترمینځ مقابله وشوه. د دوی له مینځه د افغانستان د سایکل ځغلولو د ملي لوبډلې غړي ټاکل کېږي. د فرانسې خبري اژانس له وېډیو جوړ راپور وګورئ.
په فرانسه کې د نوي وزیراعظم له ټاکل کېدو راهیسې پراخې مظاهرې پیل شوې دی. سباستین لېکورنو د سېپټېمبر په نهمه نېټه د فرانسې د نوي وزیراعظم په توګه خپله دنده پیل کړه.
پوځ د سېپټېمبر په ۱۰مه په یو بیان کې ویلي دي چې هر ډول ورانی، اورلګونه او د شخصي او دولتي ودانیو نخښه کول به جرم ګڼل کېږي او ښکېلو کسانو ته به د قانون مطابق سزا ورکول کېږی.
اوکرایني چارواکو وویل چې روسیې پر کیف او شاوخوا ۸۰۰ ډرونونه او توغندي وویشتل چې لږترلږه درې کسان یې ووژل. اسرارعالم مومند او احمد میلاد نسیمي په دې اړه ویډیو رپورټ وړاندې کوي.
د یادې ادارې له ورکړو معلوماتو سره سم، په خیبر پښتونخوا کې تر ټولو زیاته مرګ ژوبله شوې ده چېري چې ۵۰۲ کسان وژل شوي او ۲۱۸ نور ټپیان دي. اسرارعالم مومند په دې اړه د خبري اژانسونو له ویډیوګانو رپورټ برابر کړی دی.
په افغانستان کې د طالبانو د حکومت چارواکي وايي د کونړ په هغو غرنیو سیمو کې کمانډو ځواکونه د زلزله ځپلو د مرستې لپاره ښکته کړل شوي دي چې لارې یې خرابې دي او رسېدل ورته ناشوني دی. د فرانسې خبري اژانس په راپور کې نور تفصیل وګورئ.
په اندونیزیا کې د حکومت لخوا د پارلیمان غړو ته د مراعاتو زیاتولو ضد د پوهنتونونو د زده کوونکیو مظاهرې چې د اګست پر ۲۵مه پیل شوې وې، لا هم روانې دي
په هسپانیا کې د رومیانو (سره باټینګر او ټماټر هم بلل کېږي) یوه داسې مېله هم جوړېږي چې پکې د ځايي خلکو ترڅنګ سیلانیان هم په مینه برخه اخلي. د رویټرز اژانس له ویډیو جوړ راپور وګورئ.
له خیبر پښتونخوا وروسته پنجاب صوبه هم سېلابونو سخته ځپلې ده. د پاکستان د طبیعي ناورینونو پر وړاندې د مبارزې ملي ادارې (اېن ډي اېم اې) د اګست پر ۲۹مه پر ووبپاڼه لیکلي دي چې سېلابونو په پنجاب کې ۱۷ کسان وژلي دي.
نور وښیئ
