احساسات او خوشالي: د زندانیانو تبادله کې خوشې شوي کسان له کورنیو سره یوځای شول
د امریکا ولسمشر جو بایډن او د درې امریکايي وګړو – السو کورماشېوا، ایوان ګرېشکووېچ او پال وېلن – کورنیو د اګست پر لومړۍ نېټه هغوی ته په میریلینډ کې د هوايي ځواک پر اډه ښه راغلاست وویل. هغوی تر سړې جګړې وروسته د واشنګټن او مسکو ترمینځ د زندانیانو په تر ټولو لویه تبادله کې خوشې شول. نور په انځورونو کې.
۱
د ازادې اروپا راډیو خبریاله السو کورماشېوا (ښي لوري ته) له خپلو لوڼو، بيبي او مېرییم سره روغبړ کوي او مېړه یې، پاوېل بوتورین، د میریلینډ ایالت د انډروز د هوايي ځواک په اډه کې ورسره ولاړ دی. نوموړې د اګست پر لومړۍ نېټه د امریکا او روسیې ترمینځ د ۲۴ زندانیانو په تبادله کې خوشې شوه.
۲
ایوان ګرېشکووېچ (ښي لوري ته) له خپلې کورنۍ سره.
په مسکو کې د وال سټریټ ژورنال د دفتر، چې د روسیې بهرنیو چارو وزارت ورته د کار اسناد هم ورکړي ول، خبریال ګرېشکووېچ پټو معلوماتو ته د لاسرسي په تور تورن شوی وو. هغه د پخواني شوروي اتحاد تر ړنګېدو وروسته لومړی امریکايي خبریال وو چې په روسیه کې د جاسوسۍ په تور ونیول شو.
په مسکو کې د وال سټریټ ژورنال د دفتر، چې د روسیې بهرنیو چارو وزارت ورته د کار اسناد هم ورکړي ول، خبریال ګرېشکووېچ پټو معلوماتو ته د لاسرسي په تور تورن شوی وو. هغه د پخواني شوروي اتحاد تر ړنګېدو وروسته لومړی امریکايي خبریال وو چې په روسیه کې د جاسوسۍ په تور ونیول شو.
۳
د امریکا ولسمشر جو بایډن او د هغه مرستیاله کاملا هیرېس د امریکايي ځواکونو د پخواني سرتېري پال وېلن هرکلی کوي.
۵۴ کلن وېلن په ۲۰۱۸ز کال کې په مسکو کې نیول شوی وو.
هغه هلته د خپل ملګري په واده کې د ګډون لپاره تللی وو او ورباندې تور پورې شوی وو چې د کمپیوټر یو داسې فلیش یا یو اېس بي ډرایف یې ترلاسه کړی وو چې پکې پټ معلومات ول.
۵۴ کلن وېلن په ۲۰۱۸ز کال کې په مسکو کې نیول شوی وو.
هغه هلته د خپل ملګري په واده کې د ګډون لپاره تللی وو او ورباندې تور پورې شوی وو چې د کمپیوټر یو داسې فلیش یا یو اېس بي ډرایف یې ترلاسه کړی وو چې پکې پټ معلومات ول.
۴
بایډن د اګست پر لومړۍ نېټه له وېلن سره روغبړ کوي او څنګ ته یې ولاړه هیرېس موسکۍ شوې ده.
وېلن د امریکا تر څنګ برېتانیوی، کاناډايي او ایرلینډي تابعیت هم لري. امریکايي حکومت ویلي ول چې هغه په غیر عادلانه ډول په روسیه کې په حراست کې وو.
وېلن د امریکا تر څنګ برېتانیوی، کاناډايي او ایرلینډي تابعیت هم لري. امریکايي حکومت ویلي ول چې هغه په غیر عادلانه ډول په روسیه کې په حراست کې وو.
