اسټراليا: تر ۱۶ کلونو کم عمره کسان ټولنيزې شبکې نه شې کارولی

اسټراليا په خپل قانون کې د بدلون په کولو سره د ټيکنالوژۍ شرکتونه يا کمپنۍ مجبورې کړې دي چې خپلو ټولنيزو شبکو ته هغه ماشومان پرېنږدي چې عمرونه یې ۱۶ يا تر دې کم وي. اوس که څوک هلته په ټولنيزو شبکو کې خپل حساب پرانيزي، نو د عمر ثابتولو سند به وړاندې کوي. دا کار تر هغه وروسته شوی چې د ماشومانو لخوا د انټرنيټ زيات استعمال، د ميندو او پلرونو اندېښنې پارولې دي. ټېکټاک، سنيپ چېټ، انسټاګرام او ځينو نورو شبکو ويلي چې دا کار یې لګښتونه او تخنيکي ستونزې زیاتوي. خو اسټراليا وايي دا قانون د نړۍ لپاره يو مثال دی او پکار ده چې نور هېوادونه هم دغسې چارې ترسره کړي. ويډيو رپورټ