هند په کابل کې خپل سفارت بيا فعالوي
هند اعلان کړی چې په کابل کې به خپل سفارت بېرته فعالوي، کوم چې څلور کاله مخکې د طالبانو واک ته تر رسېدو وروسته تړل شوی وو. دا اقدام د طالبانو له حکومت سره د هند د سفارتي اړیکو د پراخېدو لپاره مهم بلل کېږي. د هند د بهرنيو چارو وزير اېس جېشنکر دا اعلان د طالبانو د بهرنیو چارو د وزیر امیر خان متقي د هند د سفر پر مهال وکړ. د اکتوبر پر نهمه د متقي د سفر له پیل سره سم دواړو خواوو د سیاسي، اقتصادي او سوداګریزو موضوعاتو په اړه خبرې کړي دي. خو هند لا هم د طالبانو حکومت په رسميت نه دی پېژندلی. په دې اړه د رويټرز اژانس له ويډيو جوړ راپور: