د اوکراین په د نیپرو سیمه کې د ورځې پر مهال ډرون برید شوی

روسیې د سېپېټمبر پر ۳۰مه د اوکراین په دنیپرو سیمه کې د ورځې پر مهال ډرون برید وکړ. په هغه حمله کې یو تن وژل شوی او د دوه ماشومانو په ګډون په لسګونه کسان زخمیان شوي دي. د اوکراین ولسمشر ولودېمیر زیلینسکي په انلاین تبصرو کې دا یو " بې رحمه برید" وباله او په روسیې یې د سختو بندیزونو غوښتنه تکرار کړه. تفصیل د مشال راډیو د خبر مرکزي څانګې په دې ویډیويي راپور کې وګورئ چې ملیحه امیرزاده یې وړاندې کوي.