د اوکراین لپاره د جګړې په هڅو کې د امریکا استخباراتي مرسته څومره ضروري ده؟
د امریکا لخوا له اوکراین سره د استخباراتي همکارۍ تر بندولو وروسته، کییف اندېښمن دی چې د روسیې خلاف په جګړه کې به یې دفاعي عملیات کمزوري شي. د امریکا د استخباراتو اداره وايي دا ګام کېدای شي لنډمهاله وي خو په داسې حال کې چې امریکا له اوکراین سره د پوځي مرستې د ودرولو اعلان هم کړی، شنونکي وايي، دا ښايي د روسیې خلاف په جګړه کې پر اوکراین اغېز وکړي. تفصیل د مشال راډيو د خبر مرکزي څانګې په ویډيويي راپور کې وګورئ.