په داسې حال کې چې د پاکستان نګران وزیراعظم انوارالحق کاکړ ویلي چې وسله والو ډلو سره به هیڅکله مذاکرات ونکړي، د خيبر پښتونخوا په ډېره اسماعيل خان کې په وسله والو بریدونو کې د پاکستان د پوځ ۲۵ سرتېري وژل شوي او لسګونه نور ژوبل شوي دي. ددې تر څنګ د ډیره اسماعیل خان په اړوندو سیمو کې هم د امنیت وضع خرابه ده، او امنیتي ادارې دغلته د عملیاتو ترسره کولو ادعاوی کوي. نن د کرښې په غاړه کې د خیبر پښتونخوا جنوبي ضلعو ته ورځو او هلته د امنیت په تازه صورتحال خبرې کوو.