د خیبر پښتونخوا نګران حکومت اړونده چارواکو ته امر کړی چې په صوبه کې د هغو افغان کډوالو په اړه معلومات جمع کړي چې په ناقانونه توګه هلته اوسي.
د سېپتېمبر پر ۱۴مه په پېښور کې د نګران اعلا وزیر اعظم خان په مشرۍ د لوړپوړو چارواکو د کمېټۍ (اپېکس کمېټۍ) په غونډه کې شوې ده.
د اعلاوزیر دفتر په بیان کې ویلي دي چې په غونډه کې د غیرقانوني کارونو، قاچاق (سمګلنګ) او د حوالې (هونډۍ) کاروبار په ګډون پر یوشمېر چارو خبرې وشوې.
د خیبر پښتونخوا نګران حکومت د افغان کډوالو په اړه د معلوماتو غونډولو فیصله پر داسې مهال کړې ده ده چې په کراچۍ ښار کې پولیسو په تېرو شپږو ورځو کې د ښار په اتو ضلعو کې ۵۴۵ افغان کډوال نیولي دي.
په پاکستان کې افغان کډوال له ۱۹۸۰ز لسیزې راهیسې مېشت دي. په افغانستان کې د ۲۰۲۱ز کال په اګست میاشت کې طالبان واکمن شول چې ورسره پاکستان او نورو هېوادونو ته د افغانانو د ورتګ بهیر هم تېز شو.
په وروستیو کې په نیول شویو کې زیاتره هغه افغانان دي چې په ۲۰۲۱ز کال کې د طالبانو تر بيا واکمنۍ وروسته پاکستان ته تللي دي.
