دا اوونۍ مو په مشال مرکه کې خبریال او شنونکی شهزاده ذوالفقار مېلمه دی. نوموړي له اتیایمې لسيزې راهيسې صحافت کوي او د بلوچستان پر حالاتو ژور نظر لري. نوموړی په بلوچستان صوبه کې د مهمو پېښو عيني شاهد هم دی. شهزاده ذوالفقار وايي، له تېرو ۲۳ کالو راهېسي په بلوچستان کې بدامني روانه ده او د دې بنيادي وجه د صوبې خلکو محرومیانې دي. د ده په خبره که چري رياست وغواړې نو دا مسله د خبرو اترو د لارې حل کيداي شي. د پروګرام کوربه ګل اياز دی.