بیجنګ او اسلام اباد د چین ـ پاکستان اقتصادي لارې (سیپېک) پروژو په چارو کې تراوسه په شويو پرمختګونو اطمنان ښودلی.
د جون پر ۲۳مه د پاکستان وزیراعظم شهبار شریف او د هغه چینايي هم منصب لي قېیانګ د فرانسې په مرکز پاریس کې د نړیوالې مالیاتي معاهدې سرمشریزې په څنډه کې د ملاقات پر مهال هغه پروژه د پاکستان د اقتصادي ودې لپاره مهمه وبلله.
دا د روان کال په مارچ میاشت کې د چینايي وزیراعظم د چوکۍ سنبالولو وروسته د دواړو مشرانو تر منځ لومړنۍ شخصي لیدنه وه.
تر لیدنې وروسته شهباز شریف پر ټوېټر ولیکل چې موافقه یې وکړه چې دواړه هېوادونه به د ستراتیژیکو همکاریو او د ملګرتیا پیاوړي کولو او پراختیا ته دوام ورکوي.
د پاکستان سرکاري راډيو ترمخه، دواړو خواوو د سيپېک په ګډون د دوه اړخيزو اړيکو او اقتصادي همکاريو په اړه خبرې وکړې. دواړو مشرانو رضا مندي وښودله چې سږ کال د سيپېک ۱۰کاله پوره کېدل لمانځي.
دا راز د چين وزيراعظم د شهباز شریف لخوا د پاکستان د دورې بلنه هم قبوله کړه.
