اسراییلو ویلي دي چې د حماس ډلې د راکټي بریدونو د غچ اخیستو لپاره یې پر لبنان او د غزې پر تړانګه حملې کړې دي.
اسراییلو د اپرېل پر اوومه وویل چې جېټ الوتکو یې د لبنان له طایر سیمې بهر د فلسطینيو کډوالو له رشیدیه کیمپ سره نېږدې د حماس تر واک لاندې پر ۱۰ اهدافو بریدونه کړي دي.
حماس په یوه بیان کې د اسراییلیو حملو ''کلکه غندنه'' کړې ده.
یو لبناني چارواکي رویټرز اژانس ته ویلي دي چې په پېښه کې چا ته مرګژوبله نه ده اوښتې.
اسراییلو د اپرېل پر شپږمه وویل چې د لبنان له جنوبي سیمو څخه د اسراییلو پر شمالي برخو ۳۴ توغندي ورول شوي ول.
