د دې اوونۍ د "هارون باچا هنري ګړۍ" خپرونې مېلمه سندرغاړی سني خان ترک دی چې د اصلاً خیبر پښتونخوا د مانسهرې ضلعې دی خو له تېرو یوشمېر کلونو راهیسې له خپلې کورنۍ سره په کاناډا کې اوسي. دی له هم هغه ځایه وخت په وخت سندرې خپروي. ترک وايي، د جلال اباد یوشمېر سندرغاړي یې خوښېږي. د ترک په خبره، هڅه کوي چې په خپلو سندرو کې د پښتو دودیزه او اصیله موسیقي وکاروي. د نوموړي د ژوند او هنر په اړه یې خبرې او ځینې سندرې په خپرونه کې واورئ.